Рејтинг битка - секој му верува само на своето огледало

Битката за рејтингување се разгорува како да сме во предизборно време. Блискиот до СДСМ Институт Прогрес за кратко време објави теренски анкети дека паѓа рејтингот на ВмроДпмне а расте рејтингот на СДСМ. Односот е отприлика 2:1 ВмроДпмне/СДСМ, со тенденција на пад кај ВмроДпмне и раст на СДСМ. Власта и Груевски одговорија дека не коментираат рејтинзи кои ги прават партијски институти по нарачка на опозицијата - иако нивниот Павел Шатев не издржа и објави (еден ден по првата анкета на Прогрес) теренска анкета каде односот беше 3:1 во корист на ВмроДпмне. Институтот павел Шатев е основан од ВмроДпмне.            Повеќе ».....

Најново рејтингување денеска имаме од ИРИ:

• Доколку утре се одржат избори најголем дел од граѓаните би гласале за ВМРО-ДПМНЕ - 30 отсто,
• додека 12 отсто би се определиле за СДСМ.
• За ДУИ би се изјасниле осум, а
• за ДПА шест отсто од македонските граѓани.
• За Нова Демократија би гласале три отсто од испитаниците,
• за Либерално-демократската партија еден, а
• за Обединети за Македонија нешто над нула отсто.
• Ова се резултатите од последната теренска анкета на Американскиот републикански институт - ИРИ спроведена од 17 до 22 декември на 1.105 испитаници.

Само пред неколку дена беше објавена втората анкетата од страна на Институтот „Прогрес“. Демек продолжувал да паѓа рејтингот на партијата на премиерот Никола Груевски, доколку утре би се одржале избори,

• само 21,4% од испитаниците рекле дека ќе гласаат за ВМРО-ДПМНЕ,
• за СДСМ се изјаснија 13,9%,
• за ДУИ 8,2%,
• за ДПА 4,5%,
• за партијата „Обединети за Македонија“ на Љубе Бошковски1,9%, а
• за Нова демократија само 1.5%.
• Другите партии имаат доверба под еден процент.
• Анкетата била спроведена на 26 и 27 декември со 1.160 испитаници.

Се чини дека секој си гледа во огледалото на својата нарачана анкета. И едните и другите велат дека нема да комнетираат партијски нарачани анкети. Ние граѓаните сме во недоумица на кого да му веруваме. Нашите сетила (на неопределените) за орјентација се нападнати со вакви партијски рејтингувања кои се свртени пред се во стварање на самодоверба во редовите на нивните партии.

1. Рејтинг овојпат на Институтот Павел Шатев 
2. Нов рејтинг - нарачан од „една амбасада“ ...
3. Нова анкета ... Плати ми, за да ти кажам колку си убав ... 
4. Манипулација со изборна анкета на ИРИ ... Кој ја нарачува и плаќа анкетата кај ИРИ ...
5. За нерачите на рејтинзи ... за бројачите на гласовите ... за местенките ...
6. РЕЗУЛТАТИ И АНКЕТИ
7. Рејтинг на Агенција Рејтинг 
8. ЛАЖИ МЕ ... Задолжување како стил на владеење ...