Search This Blog

Monday, March 30, 2015

Шифри ... Шифрирање

Модерно да ти било (а тоа не го знаев/ме до неодавна) Премиер на Република Македонија - во телефонски разговор да се обраќа на свој Министер со шифри и шифрирани пораки. Се прашувам зошто Премиер на РМ има потреба да се обраќа на свој Министер во шифри. Вообичаено пораките се шифрираат кога сакаме нешто да сокриеме, да не не фати непријателот. Што тоа Премиерот ни наш сакал да сокрие и од кого? Ниту сме во војна ... или пак можеби сме? ... ако сме, кој ни е непријателот? ...


Sunday, March 29, 2015

Стравот “лозјето“ го чува ...

Стравот “лозјето“ го чува. Пред извесно време се плашеа/ме сите. И зависните и независните. Независните полека го совлададуваат/аа стравот. Сега дури и сеир/театар прават. Останаа само зависните да го совладаат стравот. Зависните, оние кои добиваат трошки ... Мрсната клиентела ке побегне на време. На крај секојпат страшилото останува само, очерупано и исплукано ...

Saturday, March 28, 2015

Музикалноста на Македонецот ...

Читам дека некое крило од ВМРО-ДПМНЕ се залага да се утврди веродостојноста на гласовите од аудио снимките на телефонските разговори кои ни се презентираат во сериалот “Вистина за Македонија“.

Ни ја врѓаат интелегенцијата и музикалноста. На сите ни е познато дека ние од сите Ју народи сме прогласени за скоро најмузикални во бившите Ју простори. Поради бројноста на настапите на нашите популарни МК политичари кои се актелни “глумци“ во серијалот на бомбите од “Вистина за Македонија“ - сите јасно ги препознаваме нашите “омилени“ глумци ... На нас на народот Македонски не ни е потребно друго средство да ја препознаеме веродостојноста на разговорите - доволно е нашата музикалност ...

Кај кого е вистината (во чија приказна) ... сон

Утрово ме разбуди многу интензивен сон во кој живо учествувам. Толку беше јак и реалистичен што еве успевам да Ви го раскажам.

Незнам од кои причини се најдов во центарот на случувањето во штабот на ВМРО-ДПМНЕ. Нивниот Центар за комуникации имаше вистинско славје во една осредно голема сала и објавуваат дека победата е близу. Сите беа озарени и среќни, радосно подскокнуваа и ракоплескаа во такт, сите беа облечени во жолта боја накај портокалова. Се беше во знакот на таа нијанса на жолта боја. Мавтаа со свои знаменциња и му отпоздравуваа на говорникок кој им објаснуваше дека победата е НИВНА и СИГУРНА. Ликот и гласот на оние двајца кои говорееа во штабот на ВМРО-ДПМНЕ ми заличеа на Мартин Протоѓер и Илија Димовски кој беше озарен од среќната вест на првоговорникот.

Говорникот објави дека победата е блиска и брза затоа што направиле успешен договор со најјакиот телефонски и мобилен оператор t-mobile - кој им гарантирал дека е најдобар и најбрз и со најголем опфат кај Македонскиот народ. По објавата во општата еуфорична атмосфера некако се јавив за збор и им реков: Вистина е дека имате огромни шанси да победите ако сте го ангажирале најакиот оператор во земјата - но има само два проблема а тоа се 1. Дали сте сопственици на вистината т.е. дали вашата приказна е вистината. Бидејки е општо-познато дека на крајот секојпат победува вистината - “таа е како шило ...“ и под 2. Чив е t-mobile. Ги подсетив сите дека t-mobile е сопственост на германска компанија и е зависен (под влијание) на германската политика и политичари. Подсетив дека грешката ја направил оној кој го продаде t-mobile (нашата златна кокошка која не смеееше да се продаде). При крајот на сонот им кажав дека веројатно не слушнале дека сопствениците на t-mobile веќе покренале истрага - како и кој ја користел опремата во големата мега афера на прислушкивање во Македонија. При крајот на сонот успеав само да го видам стишеното сомничавото комешање на присутните во салата во која се` беше обоено со жолто. Сите почнаа меѓусебно значително да се погледнуваат/запрашуваат дали нивната приказна е “Вистината за Македонија“ ...

Толку од сонот бидејки ме пробуди врата од купатилото која некој ја тресна да ја затвори. Како ке заврши овој сон и кој ке победи во “Вистината за Македонија“ т.е. кој е сопственик на вистината во приказната за прислукувањето ке мора да ја дознаеме во реалноста.

За крај мало појаснување - ке морате да ми верувата на мојот збор дека ова беше вистина само сон, кој успеав да го запишам ... а сонот е само реакција на телото и мозокот на многуте пропаганди кои ги слушаме деновиве. Признавам ги слушам и двата центра на пропагандната војна, демек за да бидам во тек - за да пресудам кој е во право. Им дадов шанса на двете страни да ми ја раскажуваат нивната вистина...

Wednesday, March 25, 2015

Пирамидално месечно државно задолжување ... Каде одат/отидоа парите?

За пирамидалното месечно државно задолжување првпат поинтензивно почнав да пишувам во Ноември 2008 година, кога беше актуелен предлогот на буџетот за 2009-та година. Се виде дека МК Влада станува зависна од месечно задложување кај домашните и светските банки и тоа секој месец за зголемен процент од предходниот. Во 2008-ма месечното задолжување кај домашните банки беше на ниво од 30 до 40 милиона евра, за да овој месец истото задолжување достигне 209 милиона евра (само кај домашните кредитори/банки).

Кај домашните банки сега должиме како држава над милијарда евра а вкупниот долг оној кој го прикажува владата сега надминува четири милијарди евра. Сите се сомневаат дека овој долг е многу, многу поголем. Сето ова неминовно води кон државен банкрот - што во превод значи престанок на исплаќање на плати, пензии и социјални помошти, блокирање на сите системи и институции. Тогаш река на народ ке искочи на улици и ке крши се. Банките ке бидат затворени а продавниците празни.

Како владата овие последни години ова го менаџира. Го зголемува вештачки од година во година државните буџети со проектирани дефицити, кои се затвараат со кредити од странски и домашни кредитни извори а гарант е државата т.е. ние граѓаните.

Каде одат парите, толку многу пари? Во непродуктивни трошења и дубиози. Голем дел во нивните џепови испрани преку финасиските зони кои деновиве се се` поприсутни од аферата со прислушувањето. Се шпекулира дека досега во последните години има над 4 милијарди евра трансфер во дубиозни финасиски зони каде овие пари се одлеале на приватни сметки на финасиските махери и актуелните политички елети. Створена е нова буржоазија, која сега заедно со црвената буржоазија и олигархијата од транзицијата, се спрема да загосподари со сите нас останати 99 проценти население. Колачите и чоколадата (Ставревски ...) што ги јадевме овие неколку години ке ни се згадуваат во многу десетици наредни години.

Парите од буџетите ги трошат политичките елити кои сами си ги биравме - но рачунот ке го плаќаме ние, нашите деца и нашите внуци.


Saturday, March 21, 2015

Сон ... Драмолетка

Често сонувам чудни соништа. И овој беше таков од оние кратките пред да се разбудиш, затоа и го запаметив. Вообичаено оние длабоките соништа не ги паметам.

Сонував дека го фатив жив “филмаџијата/режисерот“ кој ни ја режира нашата сегашна драмолетка. Му реков, те фатив не само јас туку и ногумина други. Ти си кривецот што ни ја извртуваш стварноста и го живееме животов сегашен по твоето мрачно сценарио и режија, каде сите не направи несреќни и бедни. Го молев да ми го каже крајот на нашиот “филм“.

Ми рече за крајот ке морам да почекам уште малку и да го “догледам“ филмот. Само рече дека е стандарден крај. И тој самиот се изненадил дека ние сме едни од ретките кои сме откриле дека сето ова е само лоша реижја. На крај ми се извини, ми рече дека мора да оди бидејки веќе има спремно нова нарачка во нов филм во некоја друга држава и народ ...

Во што да веруваме?

Да веруваме во вредностите. Во кои вредности?

Кога си дете највеќе веруваш на родителите, тие те створиле, нивно чедо си и осеќаш дека највеќе те сакаат - повеќе дури и од нивниот живот. Како што растеш гледаш дека има различни родители, оние кои “успеале“ (се уновчиле) и оние кои “не успеале“ (останале на маргините на општеството). Вербата во твоите родители како што растеш и созреваш (особено кога и самиот ке доживееш да си родител) е се` поголема и поисконска. Родителите се вистинска вредност.

Како што растеш преку образовниот систем почнуваш да веруваш во твоите омилени учители, наставници и професори. Одпосле ке увидиш дека тие твоите учители всушност работеле со тебе заради својата плата која им е неопходна за да преживеат во својот живот. Но сепак некаде длабоко во твојата подсвест издвојуваш некои од твоите учители, наставници и професори кои успеале да усадат во дел од твојата свест/подсвест некои вредности кои станале дел од твојот реален живот.

Како што созреваш почнуваш да ја напаѓаш судбината дека таа ти е крива. Стануваш сомничав, го напаѓаш Бога (во кој што веруваш) бидејки и тој и покрај твојата верба во него -осознаваш дека не е најправичен ... Особено почнуваш да се сомневаш во оние кои се посредници помеѓу тебе и бога, кога тие(посредниците) не се на вистинскиот пат и не го живеат божјиот пат кој го проповедаат, кога и тие самите паѓаат во искушенија кои ги носи реалниот живот ...

Можеме ли да веруваме во среќата која на себе и на сите кои  ги сакаме си ја/им ја посакуваме. Како што ке созреваш ке увидиш дека не е добро да веруваш во среќата без ти самиот да се потрудиш да ја пронајдеш среќата, да поработиш на твојата среќа. Нели, за да добиеш бинго треба да купиш прво лоз, па после да се надеваш на среќа. Сите што верувале во својата среќа (дека се родени под среќна звезда и играат само на картата на својата среќа ...) најчесто животот го завршуваат несреќни. Најзадоволен/најсреќен си кога ке си речеш и увидиш дека сам си ковач на твојата среќа.

Во текот на твојот живот бидејки сме социјални суштества имаме потреба да веруваме во своите другари и пријатели. Како ке осозреваш сваќаш дека во твојот живот на прсти се бројат твоите вистински пријатели и другари. Повеќето од твоите другари и пријатели биле најчесто со тебе пријатели и другари заради некаков интерес.

Природата всадила во тебе потреба/код во текот на твоето зреење да стекнуваш интимни пријатели со кои делиш посебни моменти на среќа во твојт интимен живот. Најчесто на крај таа среќа прераснува во брачна заедница. Чести се случаевите кога во бирањето на интимните пријатели кои ти стануваат брачни партнери поради различни причини не се доаѓа до најсреќен исход. Затоа не смеат да се осудат оние кои кога ке увидат дека не се среќни во изборот ке го сменат патнерот за некој кој е посоодветен. Кога со некои од твоите интимни партнери доживееш среќа да добиеш дете/деца тогаш таквиот партнер ти станува многу важен бидејки само заедно (со здружени напори) можете да одгледате среќни деца.

За да живееш самоетојно потребно е да избереш одредена професија, каде преку својата работа ке остваруваш реални приходи(пари) за да го одржуваш твојот живот и животот на твојата фамилија. Ако при изборот на твојата професија додека работиш се осеќаш среќен при тој избор тогаш си сигурен дека си ја одбрал вистинската професија. Се додека не се осетиш среќен од твојата работа секојпат треба да бараш нова работа и професија.

Човекот(zoon politikon) во својата зрелост има потреба да верува во одредена политика и се` што од тоа произлегува. Политиката треба да се остави на политичарите, ние треба да сме вклучени само во нивниот правилен избор. Во политиката и политичарите никојпат не треба слепо да веруваме, секјпат треба да ја проверуваме нивната чесност. Секој мора да биде внимателен при изборот. Никојпат не е добро да оставаш некој друг да го прави твојот избор на политичарот/политиката. Политиката всушност е најнечесната професија и секојпат треба да биде проверувана.

Кога вистински ке осозрееш ке сватиш дека најлесно е да и веруваш на природата и нејзините закони, онаа која е искоснска, недопрена. За наша несреќа чиста недопрена природа има се` помалку.

Кога ке осозрееш сваќаш дека најдобар избор си правел кога си верувал во самиот себе, во твоите родители и во чистата природа. Најсреќен си само во моментите кога ке ја видиш и осетиш среќата во лицето на твоите деца и оние кои ги осеќаш како да се твои деца ... Од се` можеш да се откажеш, но од твојата судбина, твојот реален живот, родителите и децата никојпат не е добро/не можеш да се откажеш.

Tuesday, March 17, 2015

Руски азиланти ...

По објавувањето дека САД спрема укинување на визи и замрзнување на сметки во нивните банки и во банките низ ЕУ (во светло на нашата сегашна политичка криза), се прашувам дали во моментот се случува итно префрлување на кешовината на некои наши моќници во руски Офшор дестинации. Ова нашево комбе да не шета сега низ околината на Москва барајки атрактивни плацеви ...

По паѓањето на режимот на Милошевиќ, фамилијата на Милошевиќ се исели во Русија заедно со сета кешовина до која дошол Милошевиќ додека тој ги “бранеше“ србите од агресијата на западот. Со него заминаа и некои други фамилии, пример фамилиите на браќата Кариќ. Се прашувам само дали нашиве “спасители“ имаат доволно кеш за да бидат прифатени за азиланти во Русија.

Палми по Скопје

Палми по Скопје се стара вест. Ги посадија на Вардар покрај плажите на кејот. Првите се исушија. Овие сегашниве зиме се грејат со три киловати по палма. Малку беа тие покрај Вардар сега има тендер за палми во паркот “Жена Борец“, се разбира сосе бароктни канделабри и греење од по 3 киловати за секоја. Сега сите се запрашуваат зошто палми во Скопје. На некого му се може - зошто “тој така сака“. Можеби е и носталгија во прашање по далечното Белизе.

Ване Цветанов

Во светло на најновите афери со плацевите на Водно каде како сопственици се јавуваат разни Офшор копании од Белизе и Швајцарија, кои притоа се испреплетени во многу атрактивни бизниси низ Македонија и се сопственици и на други разни атрактивни плацеви во РМ, ми станува појасно зошто и на кого му сметаше Ване Цветанов како директор на Управата против перење пари. Ване Цветанов не само што беше разрешен од местото директор на Управата против перење пари, туку беше обвинет во случајот Шпион, притворен девет месеци, потоа ослободен од обвинение за шпионажа, но не знам дали куртули од делото злосторничко здружување и злоупотреба на државна и воена тајна.

Колку се транспаретнтни судските процеси (... ветувањето на Груевски за транспарентност и јавност на судските процеси поврзани со аферата “Пуч“), се виде во многу судски случаеви. Се виде и во случајот на Ване Цветанов, кога неговото сведочење пред судот се затвори за јавноста иако самиот вети дека нема да говори за тајните акти ... Милосрдието кон него се покажа кога не му беше дозволено ни да се лечи ... Како се постапува кон оние кои се неблагодарни кон некој кој ти дава доверие и место во институциите на системот се покажа и во овој случај на Ване Цветанов.

Monday, March 16, 2015

Што се тоа “креирани разговори“ ...

Телефонските разговори кои СДСМ ги презентира на прес конференции, најавувани како “бомба“ еден до десет (досега) - каде опозицијата презентира прислушувани телефонски разговори меѓу актуелни политичари, притоа наведувајки не да од содржинта на тоа што го слушаме подразбереме дејствија кои не се во согласност со законските прописи на РМ. Позицијата унисоно ги оспорува со исказ дека се тоа “креирани разговори“. Сите се запрашуваме што подразбира позицијата под поимот “креирани разговори“ ...

Новинарите истражуваат кај аналитичарите што се тоа “креирани разговори“ и има разни толкувања.

На некого му текнало да го праша Хорхе - што се тоа “креирани разговори“. Хорхе веднаш спремно одговорил. Креирани разговори се креирани разговори.

Sunday, March 15, 2015

Обраќање на Председателот на ВМРО-ДПМНЕ и Претседателот на Владата на РМ ... No Pasarán! ... Bella Ciao


Како да ја одвоиме државата од политичките партии. Во најавата на завршниот говор на денешното случување во спортската сала Борис Трајковски Груевски беше представен најпрвин како Претседател на ВМРО-ДПМНЕ а потоа и како Претседател на Владата на Република Македонија.

Како ке ме убеди некој дека луѓето кои се собраа во Спортската сала Борис Трајковски и оние надвор од неа - не беа повикани по список од Кол Центрите на ВМРО-МВРО ...

Во делата е вистината, често повторуваше Груевски од напишаниот говор. Не сум го видел Груевски ниеднаш да не чита кога говори, осем кога е гостин кај Миленко и Јанко ... Во кои дела се запрашувам, во оние официјалните на неговата политика (подржана со бројки кои ги издаваат институциите на системот...) или оние паралелните дела и случувања кога се вози во комбе и одлучува како и каде ке биде добро да се промени ГУП и ДУП. Каде да се направи пат во чив посед а каде да се подигне зид да не се гледа што се прави ... Што значи да се бориш за Македонија? На какви бомби ние го трошиме нашето време, запраша Груевски? Ке водиме политика и ке се грижме за народот или ке поработиме малку и за себе - ке се возиме со комбе и ке планираме каде лично ке инвестираме и манипулираме со ГУП-от и ДУП-от, а за не не гледаат што градиме ке подигнеме зид ... е да, улицата ке ја ставиме кај нив ... А некаде по потреба во туѓ имот ке правиме паркови и фонтани, а за побрзо остварување на ДУП и ГУП ке употребуваме динамит, за да не се зае*аваме ...

Клиентите на Груевски беа тука - позади него, до него лево и десно. Може би ми промакна - но не го видов само братучедот ... неговото место е веројатно во некое тајно комбе, од каде тајно командува со институциите на системот. Се` гледа а особено се` слуша ...

Таблет со тастатура. Тоа ке го ветиме за народот. Навистина тој кошта ако се набави на крупно 20 до 30 евра а за да го добиеш ке потрошиш толку пари во вадење на документи за да докажеш дека си во групата која заслужува да го добие ...

Странските инвестиции, за нив честопати говори Груевски и се гордее со нив. Се` тоа би било добро под два услова: секојпат да објавуваат колку такви инвестиции има кај нас а колку во исто време по глава на жител да речеме во соседството. Секако она кое никојпат нема да ни го каже на нас, на народот се специјални одстапки (кои се и колкави се), до странските инвеститори финансирани со буџетски пари. Таквите одстапки и привилегии се неуставен принцип на инвестирање, бидејки давање одстапки само на странски инвеститори е неуставно заради нерамноправноста на пазарот, нарушување на принципот на рамноправност во трката. Ова честопати ни го замераат и пријателите од ЕУ особено Германија.

Како ке заврши сето ова, запраша Груевски? Со правна постапка, ко од пушка одговори Груевски. Со одлука на Кадијата кој го постави Валијата.

No Pasarán! извка Љубиша Георгиевски. Требаше да ја пушти со извикот и познатата песна на италијанските партизани и комунисти Bella Ciao. Сето ова уште еднаш потврди дека Груевски како десна партија, владее со идеи блиски до изворната левица.

Saturday, March 14, 2015

Koл центри ... МВРО

Од бомбите видовме дека главните “Кол центри“ на партијата на власт биле во министерствата. По омасовувањето на трибината на СДСМ во Унверзална - скоро можев да се кладам дека брзо ке се одговори со масовна трибина на владеачката партији. За да се органзира сето ова особено во неработен ден пак во игра мора да се воведат стандарните списоци - проверувани и ажурирни од Кол центрите на владеачката партија.

Се прашувам дали локациите им се сеуште во главните министерства. Не верувам дека бомбите нешто тука промениле. Business as usual.

Friday, March 13, 2015

Надеж ... Никола Димитров


Дали Никола Димитров е новата надеж на МК политичка стварност. Човек кој потекнува од професорско семејство, самиот оформи целосно образование, притоа се реализира и со свое семејство, имаше свевиден раст во неговата дипломатска кариера - одеднаш везе во жижа на МК политичка јавност.

Често пати сум велел дека во нашиот политички живот ни требаат нови ликови, доволно нови но и доволно спремни да се охрабрат нешто да направат во нашето сивило. Носот и осетот ми велат дека звездите во случајот со Никола Димитров му се наклонети, особено затоа што кучињата на двете појаки партии веќе почнаа да лајат по неговиот лик и дело.

Wednesday, March 11, 2015

Multi-level гласачки систем ...

Multi-level гласачки систем ...

Од последните две бомби на Заев, ја согледовме тајната на успехот на изборните кампањи на ВМРО-ДПМНЕ, која може да се сведе на иновативен Multi-level гласачки систем. 

Во сигурните списоци за број на гласови, најпрвин се запишувало редовното членство на ВМРО-ДПМНЕ кое традиционално си гласа за своите. Редовно челенство на ВМРО-ДПМНЕ по многу проценки во повеќе изборни циклуси се движи од 200 до 250 илјади гласачи. Кога последниот пат пред девет години ја осволиле власта, на некого од ВМРО-ДПМНЕ му текнало да прави изборен инжињеринг од традиционално неопределените гласачи во РМ (цирка 30 проценти од изборното тело во РМ) и така почнала потребата да се прават специјални списоци за гласање на база на Multi-level гласачки систем

Секаде каде на раководно место има раководен кадар поставен од ВМРО-ДПМНЕ се правел посебен Multi-level гласачки систем. Се запишувале сигурните гласови, но секој од шефовите во структурата морал да достави одреден број, пет, десет дваесет нови гласачи од редот на неопределените. За сите се обезбедувале податоци и телефонски броеви на кои ке може некој од кол центрите да им се јавува за проверка на нивната определеност како ке гласаат.

Нововработените во старт мора да достават подршка во Multi-level гласачки систем, пет, десет или незнам колку нови гласачи. Новите гласачи се проверувале дали се унисони, ако некој пријавил гласач кој веќе го има во списокот морал да достави нов Multi-level гласач.

Имаш проблем да оствариш пензија тогаш си податен да обезбедиш нов број на Multi-level гласачи.

Сакаш редовно да примаш социјална помош или да не ја изгубиш - правиш додатен Multi-level список на гласачи.

Се` се проверувало на денот на гласање. Одиш гласаш, потоа одиш во штабот на ВМРО-ДПМНЕ да се пријавиш дека си гласал. Оние кои не излегле се повикуваат од кол центрите и те подсетуваат дека си ветил глас. Ако пак не излезеш зависно дали си ром или албанец ке те фатат за уши или врат и ке излезеш да гласаш ...

Време на митинзи започна иако избори не се распишани ...

По тетовското осмомартовско шетање на опозицијата по улиците во Тетово и митингот сношти во Универзална, одговорот на позицијата веројатно ке биде голем митинг во да речеме спортскиот центар Трајковски.

Време на митинзи започна иако избори не се распишани.

Tuesday, March 10, 2015

Злосторничко партиско здружување - околу еден султан ...

Зошто ние како држава не можеме да спроведуваме/споделуваме демократија во нашето општество? Коренот на одговорот е во недемократскиот карактер на големите партии во МК плурализам. Во сите поголеми па и помали партии владее еден систем на злосторниско партијско здружување - околу еден султан. Султанот е тој кој пали и гаси - сите околу се само главоклимачи у вовлекувачи ...

Поради не одвоеноста на партијата од државата во нашето општествено уредување оваа слика на злосторниско партијско здружување - околу еден султан, се пресликува на целосниот државен апарат/уредување. Парламентот е само послушник на политиките на султанот. Судството/судијата суди како ке му каже валијата. Медиумите се поробени/закупени и служат на султанот.

Ако сакаме вистински демократски систем во државата, најпрвин мора да се промени недемократското владение со поголемите партии. Еден од главните чекори во демократизацијата на општеството е потполно одвојување на фунциите во партијата и државата. Оној кој е номиниран во висока функција во извршната власт, мора истовремено да ги напушти сите партијските функции и фотељи ...

Кога ке се распишат нови избори, целокупната влада/власт да биде во оставка во одреден период од неколку месеци - за да се воспостави принципот на немешање на партијата со државата.

Тотална спротивност од ова води кон монархија без номиниран монарх. Фамилијарно пренесување на функциите во партијата и владата. Систем кој е познат во Северна Кореја.


Saturday, March 07, 2015

Изборен инжињеринг ... изборно лудило ... “изборен пресинг/тотален фудбал“... Мулти левел ...

Од вчерашната таканаречена бомба 7 го видовме изборниот инжињеринг на ВМРО-ДПМНЕ. До најситни детали ништо не се пропуштало на случајност. Се се бележело во изборните тефтери на ВМРО-ДПМНЕ. Сите кои морале да гласаат за ВМРО-ДПМНЕ се грижливо прибележани во изборните тефтери. Кол центрите на ВМРО-ДПМНЕ за кои до сега незнаев која им била улогата, грижливо проверувале дали се најпрво сите прибележани што ветиле дека ке гласаат, дали излегле да гласаат и по потреба дури и во текот на изборниот ден ако се оцени за потребно морале да обезбедат додатен глас, некојпат дури и неважечки да биде оти тоа е многу важно, да се поништи изборниот процес на некое изборно место.

Притисок, како што во кошарката го има пресингот тоа е главното мото на изборниот инжињеринг. Тотален изборен инжињеринг како тотален фудбал на пример.

Прецизни списоци , со матични броеви, адреси на граѓаните и посебни телефони за контакт во таканаречените изборни тефтери по кои се јавувале од кол центрите, А тие пак кол центрите да ти биле сместени во врвните државни институции, како на пример цел спрат во министерството за полиција на Гоца (МВР, ВМРО МВРО), каде таа шефувала, проверувала и следела во меѓувреме симнувајки се на долниот спрат за да ги поздрави амбасадорите и оние кои го следеле изборнот процес, ОБСЕ, ОДИХР, меѓународните акредитирани набљудувачи на пример. Секое изборно место се следело со години, колку излегуваат на гласање, од тоа колку се на листите кои ветиле да гласаат за ВМРО-ДПМНЕ, колкумина излегуваат, колку се наши колку се нивни ...

Како се составувале листите кои кол центрите ажурно ги проверувале. Најпрвин се запишувале редовното членство на ВМРО-ДПМНЕ кое традиционално си гласа за своите. Посебен список мора да има за секоја организациона единица, за секое школо, са секој правен субјект. Редовно челенство на ВМРО-ДПМНЕ по многу проценка во повеќе изборни циклуси се движи од 200 до 250 илјади гласачи. И кога губеле избори ВМРО-ДПМНЕ тој број е минимумот под кој не паѓале. Кога последниот пат пред девет години ја осволиле власта, на некого од ВМРО-ДПМНЕ му текнало да прави изборен инжињеринг од традиционално неопределените гласачи во РМ (цирка 30 проценти од изборното тело во РМ) и така почнала потребата да се прават специјални списоци за гласање. Оној кој бил раководител на некој сектор на пример, зависно од “сложеноста“ морал да достави список од да речеме пет, десет, дваесет нови гласачи кои не се во списокот на ВМРО-ДПМНЕ. Ново вработениот имал слична обврска. Кол центарот ги проверувал луѓето дали се стварни и дали постојат и секако за кого ке гласаат. Опстанокот во администрацијата, секое ново вработување или напредување веднаш носело обврска во број на нови гласачи, “Мулти левел“ систем. Страшен “ изборен пресинг/тотален фудбал“. Замисли да не излезат твоите гласачи, леташ од работа ... ЈСП ви пуштивме, Градски паркинг е комплет, Водовод, Универзална сала ви е комплет пуштена, ДКЦ ви е комплет, Музеј на Град скопје комплет, средни училишта, Владо Тасевски, Браќа Миладоновци, Осми септември, Никола Карев, АСУД, Марија Кири Склодовска, Панче Арсовски ... - проблем само во Паркови и Зеленило ...

Не било доволно да ти се јави некој од кол центарот и да те провери, се праверувало и директно од врата на врата и тие проверки ги видовме во бомбата седум.

Мотивирање за гласање специјално за ромската популација - фаќање за врат и тенење за уши за сите кои добиле пакет брашно за да гласаат. Мора да се појават на гласачкото место.

Договарање со коалициониот партнер меѓу албанците да излезат и да гласаат, таму каде тие самите немаат практични шанси - шифра “беса е бес“ ... Вакво подобно гласање имаме во гласањето за таканаречената “подобна опозиција“, каде многу одбележани во оделни списоци гласале за подобната опозиција ...

Додавање на нови “легални гласачи“ на изборните списоци, како оние од Пустец или славните од Преспа (Преспанска група ... дали случајно оние пасоши кои беа фотографирани во некоја домашна штампарија дека беа спаковани во кутии од Ресана ... а оној кој говореше во славното пасошко видео го користеше преспанскиот дијалект ...), кои се чуваат како стратешка изборна резерва. Колку луѓе можат да живееат во еден стан/куќа мерката е различна ако “не е апла“ да се десетина до 15 а за “апла„ се рачунаат само оние од над 40 ... Изборниот процес со Пустец гласовите тајно се нарекува “циркус Медрано“ - “движење во колона на човечиња фатени за раце и со устите зипирани“ (патент на уста) ...

Забрана за комуникација од некои броеви од кои противничкиот табор агитира. “070 306 775“ ...

Следење на комуникациите (шпионирање), телефонски и интернет на противничкиот табор во текот на изборниот процес за да им се види стратегијата и тактиката на противникот, секогаш да си чекор пред противникот. Колку ли “наши луѓе“ запослени во адмистрацијата, посебно во полицијата ова го работеле во текот на изборниот процес ? Како ли само контролирале кој што сонува ? ...

Изборниот список бил посебно анализиран и “генетички модифициран“. Гласале често и мртвите, оние кои се одселиле. Особено се важни и многубројни одселените. Само полицајата може да прати кој кога излегува во земјата и кога се враќа. Во време на компјутери со соодветен програм кој лесно ги наоѓа таквите потенцијални “специјални гласачи“ - наречени како Преспанска група или незнам која група се прават нови биометриски документи во домашни печатници, како онаа од славното видео. За точните податоци за таквите специјални документи се грижат АФИС системите, од кои два завршуваат некаде ... Така имаме стратешка резерва на специјални мултиплекс гласачи, спреми со нови гланц нови биометриски исправи за специјалните изборни војници, кои во текот на денот гласале низ цела држава, по неколку пати. Која прецизност мора да биде да не се поглреши адресата и да се оди со соодветна биометриска исправа на секое ново изборно место. Каков “инжињеринг“. Им симнувам капа.

Во текот на изборниот процес, во текот на изборната кампања на секој митинг се носат и по неколку илјади професионални митингаши кои ракоплескаат или свиркаат - секако со автобуси. Своите се пропуштаат на патарините а туѓите се кочат. “Нашите“ полицајци се служат со популарниот “вонреден технички преглед“.

Како и кои медиуми ке известуваат особено во текот на изборниот процес тоа веќе ни стана јасно и во предходните бомби, но нови варијанти имаше во оваа бомба, како на некоја емисија да и се пушти “слика без тон, со многу шум, па ако треба и струја да снема“ ...

Видовме и како лесно се губи изборна лиценца за такси превоз ако возиш несоодветни избирачи во изборен ден.

Управата за приходи се истакнува со “јаки казни“ за одбележаните правни субјекти кои се демек од противничкиот табор, се до најмалото гранапче во “циганското маало“... “Пиштење вриштење и лудило“ ...

Посебно честење со навремена исплата на субвенции по сите основи, некој обележан да добие, некој обележан со црвено да не добие, да се задоволни “нашите“ гласачи, па нели им ветивме. Лиценца за откуп на тутун се става во прашање кај оној кој не исполнува што ветил ...

Пензии и социјално (“нега мега,“) за нашите мора да се уврстат пред изборниот ден - каква ажурност и грижа за тазе  (“стоте“)  пензионери и социјални случаеви ...

Како се формира цена на откупни пунктови за зелка на пример (особено во текот на изборниот процес) - го видовме и тоа ...

Детално се гледа кој кај кого лајка на фејзбук, оној кој е на позитивниот список несмее да лајка кај противникот ... дватроица учители биле обележани и за такво несоодветно лајкање и колку ли други ... казтана била во поблага форма “чистење на улици - тепање втора фаза а шеф да им биде Сашо“ ...

Со тријаголниче ке гласате, ке ти го провериме ливчето, да гласаат за нас и да дадат потврда дека гласале за нас, ке ти го провериме ливчето ако не си гласал за нас ке те избркаме од работа ...

Најнов изборен инжињеринг од оваа последна седма бомба е “завршување во ендек“ на оние кои не се послушни и не помагаат во изборниот инжињеринг ...

Што ли ново и појако ке ни се соопшти за изборниот инжињеринг во најавената осма бомба од Универзална сала најавена за вторник ... Ме загрижува тоа дека со одење во Универзална сала ке се случат процеси на “спонтано“ масовно групирање на двата спротивставени табора, што ке биде сценарио за почеток на улични немири и спротивставување на двете групи - меѓу нив специјалци од полицијата со новите средства за присила (гумени куршуми и шок бомби ...). Важни се и “невидливите“ на високите кровови ... Сето тоа е блиску до сценариото за Мајдан - кое сега може да се прекрсти во “Универзална“ особено ако секоја наредна бомба оди од Универзална, па потоа спонтано се движи кон владата ...

Wednesday, March 04, 2015

Две стратегии - божемски тивки води ... Ненормална нормалност

Стратегијата на Заев со проектот “Вистината за Македонија“ е да се даде акцент на содржините на телефонските разговори каде се откриваат криминални дејанија на врвовите на актуелната власт. Ваквите објави наизглед се не поштени/не дозволени/не легални, заради нарушувањето на приватноста и не легално прибавените снимки на телефонските разговори. Но заради поширокиот интерес на јавноста за содржината каде се откриваат криминални дејанија, ова е единствена можност/начин тоа да и се соопшти на јавноста (поради “киднапираниот судски систем“). Тактика е - “бомбите“ да одат во размак од неколку дена за да се даде време тие да предизвикаат ефект врз јавноста, како домашна така и странска а и да стигнат до народот поради скученоста на малиот број на медиуми кои се одважуваат ова/бомбите да го објават. Сето ова веројатно ке биде своевиден експеримент (кој вероватно подоцна и теоретски ке се проучува) дали може во демократско општество да функционира ваков иновативен систем на “ненормална нормалност“ ...

Стратегија на ВМРО-ДПМНЕ е преку медиумите кои и се наклонети да ги амортизира бомбите на Заев и правно да ги напаѓа во постојниот правосуден систем заради нелегално стекнатиот материјал и нелегалната објава. Да се однесува како тоа што го слушаат, не ги допира и не предизвикува ефект ... По првиот шок ВМРО-ДПМНЕ сега се обидува да продолжи понатака демек да ја остварува изборната програма. Тие да можеа до сега ке го завршеа судскиот процес кој го најеви Груевски во првио прес за пуч-от.

Како ке трае оваа политичка битка - така ке се зголемува штетата и за позицијата и за опозицијата. Оној момент кога ке проценат дека загубите им се големи/преголеми и дека горат во оваа битка, ке седнат на маса и ке се договорат. Аболиција во РМ ... кадар три ...

Било кој би се обиде да во сето ова внесе насилие, ке биде политички мртовец за кратко време. Странците - од нив можеме да бидеме задовлни ако се прифатат да бидат гарантори на договорот меѓу двете страни.

Многу ке зависи и од економската одржлиот на економскиот систем во Македонија, дали ке паѓаат приходите во буџетот на РМ и дали ке можат да се задолжуваат со нови кредити во име на сите нас на пазарот на пари. Плати и пензии кога не ке можат да се финасираат со додатно кредитно задолжување а без нов релен импут - ке настане распад на економскиот систем а со тоа ке се распане политичкото владеење на актуеланата влада. Неизбалансираниот буџет кога тогаш ке експлодира како вистинска боба. До бескрај неможе да се оди со пумпање на буџетските приходи од нереалните извори. Тоа што го отплатија долгот кон ММФ само им дава можност да не дозволуваат меѓународни институции да роварат по трезорот (во една од бомбите видовме колку власта е осетлива на мониторирање на трезорот). Зголемениот буџет ке мораат да го покријат со ново задолжување кај белосветските банки каде има доволно слобони пари за кредитирање. Белосветските банкарски лихвари еднашка ке речат - неможе веќе додека не го платиш стариот долг. Ова го знаат и разбираат сите коцкари кога ке загубат преголема сума на коцка. Сето тоа на крај ке го зголемува долгот на државата. Колкав е вкупниот долг знае само економскиот тим на владата. Ако кријат нешто во тој поглед ке мораат да бидат свесни дека тоа неможе да го кријат вечно. Некој некогаш дебело за тоа ке одговара. Никој не може да ги спаси тогаш кога ке се случи хаварија на буџетот. Трагата на парите никој не може да ја скрие.

Tuesday, March 03, 2015

Допрен глас ... до Обвинителот на РМ

‪#‎бомба6‬

Од демек вешто измонтираните петарди и бомби до нас допре/а глас/ови за многу криминални дејанија кои ги правела нашата ни власт. Овојпат се јавува со обвиненија совеста на властодржците. Допира ли гласот и до Обвинителот на РМ. Можеби во последно време се шета со тампони во ушите (најнова мода - прави се наудрен - која ја користи барем 25 проценти од народот ни) и ги шета новите наочари (секако не оние на Горде) - кои се невидливи толку многу што и не догледува  ... Нит слушам нит гледам “нисам из ту“.

Гумени куршуми и куртон вести ...


Не ми се верува со колкава леснотија сето ова се случува околу нас, изгласано со леснотија од народните пратеници. Гумени куршуми и куртон вести се идното двојство на орудија на власта да се одбрани од нас, од народот ...


Monday, March 02, 2015

Капацит на режисери, сценаристи и аудио миксеристи во редовите на СДСМ ... Холивуд ...

#‎бомба6‬

После секоја петерда, бомба или што ли е - позицијата излегува со образложение дека нема да ги коментира бомбите, дека тоа ке биде разрешено во судската процедура која ја најави Премиерот со пресот каде го обзнани актуелниот Пуч, каде војската е во касарните а имаме само троица притворени и еден осуден и тоа со казна како да ограбил бакалница.

Позиционите мегафони на почетокот објавија дека правење на миксиран разговор е да простите на изрозот пичкин дим - дека доколку некој долго време е следен/прислушуван (има доволно голема аудио база) може да му се конструира било која реченица т.е. текст по сценарија и режија на некој нарачател. Латас на почетокот (пред дваесетина дена) рече еве јас вечер ке седнам позади миксета и ке продуцирам разговор на дваица од опозицијата - каков што сакам. Но до денеска не слушнавме таков миксиран разговор.

Од она што до сега ни беше презентирано на сите ни се соопшти дека во државата немаме мериторна институција која ке потврди дали некоја аудио снемка на разговор е веродостојна или не е. Добро опозицијата измонтира неколку шаливи видеа со актуелните ликови од разговорите кои до сега беа објавени, но никаде не се користеше оригинален глас на “глумците“ ...

За обичен воаер/и какви што сите сме направени овие дваесетина дена досега, објавените 50-сетина телефонски разговори (а се оперира дека такви разговори се со бројка изразена во неколку иљади) беа реални и во одреден контекст искажани - така да ако ова се режирани, исценирани и измиксани разговори морам да кажам дека Холивуд ке им позавиди на режисерите, сценаристите и аудио миксеристите во редовите на СДСМ. Или пак Холивуд се пресели кај нас.

Убиј го гласникот што носи лоши вести ...

#бомба6

Паститор на власт се одржувваше главно со узурпирана медиумска подршка ... од власт ке падне повторно заради медиумската вистина која сега бруи во нашите уши ... Убиј го гласникот што носи лоши вести - не е за џабе аксиома ...

Ние сме лудаци, трошиме за чоколадо, а немаме за леб ...

Sunday, March 01, 2015

Романтичарска идеја за промена на политичкиот систем во РМ ...

Девета година имаме стабилна влада/владеење на ВМРО-ДПМНЕ. Владеачката партија направи систем каде не се гледа разлика меѓу државата и партијата на власт. Го запоседна и судството, барем врвовите на судството. Го освои и медиумскиот простор. Позната е премисата дека апсолутна власт апсолутно корумпира т.е. ја расипува власта во разни правци. Опозицијата како коректив на власта со секој нареден избор во овие девет години е се` послаба.

Ако се сложиме дека за да имаме добар политички систем потреба ни е стабилна влада - но и стабилна опозиција. Како тоа да се постигне?

Партиите ни се неопходност во алката на политичкиот систем, особено тоа важи за големите партии. Вообичаено е во секоја држава да има две или три поголеми политики партии кои се менуваат на власт во зависност од изборната воља на граѓанинот.

За да опстане некоја политичка партија треба да има стабилно финансирање на партијата кое мора да биде јавно и транспарентно - дозволено со закон. Во тој правец државата веќе издвојува значајни суми на политичките партии по одреден клуч во зависност од резултатите на изборите.

За да се зацврсти овој модел мојата романтичарска идеја е следната. Оној кој е во парламентарното мнозинство на централната власт, да неможе да биде мнозинство во локлната власт. Имено на сите ни е јасно дека партиите се финасираат и од локалните самоуправи. Така едните со другите взаемно ке се контролираат од позиции на власт, едните во централната власт а другите во локалната самоуправа - партиите би имале стабилно финасирање.

За судството мора да се најде модел преку независно финасирање тие самите самостално да функционираат во духот на својата професија. Академија на влијателни и познати судии по узор на академија на науките е неккво можно решение ... На Академија на влијателни и познати судии би можело да се најде влијателно место како карика за избор на врвовите на судскиот систем ... Лекарска комора е веќе нешто што е познато во професијата на лекарите.

Како да се финасираат медиумите а тоа да не биде вака како до сега - централната власт да ја има доминацијата на сите мејстрим медиуми, затоа што всушност е главен финсиер на медиумот. Ова е многу незгодно за дефинирање бидејки медиумите се профитабилни организации по дефиниција. Можеби би можло да се дефинираат само јавните медиуми. Власта и опозицијата да имаат удел во некакви проценти (во програмската шема) на медиумите кои имаат лиценца да емитираат во целата држава. Можеби и тука би можело да се оснива некаква академија на влијтелни и познати новинари, на која би и се дало удел во бирањето на воствата на јавните медиуми. Секако мора да се одстранат пипците на државата да со пари од буџетот финасира медиуми и така ја има доминацијата во некој медиум.

Пипците на државата мора да се сведат на минимум на интернет просторот и таканареченото граѓанско новинарство.

Тоне ли бродот на водството на ВМРО-ДПМНЕ ... Глувците на ВМРО-ДПМНЕ

Позната е премисата дека кога тоне бродот први бродот го напуштаат глувците. Не ги знам повеќето од фигуративните глувци на водството на ВМРО-ДПМНЕ, но од искажаните ставови во последно време тоа се секако Миленко Неделковски и Тони Михајлоски. Имено тие овие денови објавија дека некој им ги хакирал профилите на фејзбук, каде искажуваа свои ставови.

Се сомневам дека некој баш сега и на дваицата им го хакирал профилот, поверојатно ми е дека сами си го згаснале профилот од само на себе познати причини. Можеби се плашат дека некој во новото време ке ги тужи за некои ставови таму искажани. Вакви тужби имавме во нашата правосудна практика.

Има една работа која сите мора да ја знаеме. Еднаш што е нешто запишано на интернет никојпат неможе да исчезне. Имено по закон имателот на датотоеките мора да ги чува сите записи во одреден перод на време. Од тие записи овластени представници на државните институции секојпат можат да побараат извод.

Blog Archive

Site Meter