Search This Blog

Wednesday, August 19, 2009

Општина на споменици и мономенти, триумфални капии, обелисци ...

Скопската општина Центар стана општина на споменици и мономенти. По чичкањето на спомениците по најстрогиот центар, по најавата за триумфална капија кај плоштадот Пела, сега е во најава и во план изградба на Обелиск во паркот Жена борец. Од шетањето по светските метрополи (приме Коце Трајановски го виде Париз и заклучи дека на Скопје не му се потребни дрвореди и трафики, ги немало во Париз ...) се множат идеии за иградба на споменици во центарот на Скопје. Ако можат дури 16 светски метрополи да имаат обелисци (Париз, Рим, Вашингтон, Кајро и едикојси ...), зошто и во Скопје да нема обелиск ... повторно историјата ке ја пишуваме на камен, нели на некои обелисци има делови од историјата - во случајот на нашиот обелиск сега за сега планот е историјата да биде пишана на сосени помали обелисци ... Гинис не ни бега - споменик на метар квадратен ...              Повеќе ».....

На скопската општина Центар воопшто не и смеќава тоа што сме насреде економска криза и рецесија која наесен се очекува да не удри со својата големина и моќ, не и смеќава што секојмесечно државата зајмува нови кредити за да ги полни буџетските дупки. Таа со измените на ДУП-от за најстрогиот центар на Скопје припрема и изградба на обелиск во паркот Жена борец во правец на влезот на Собранието на РМ.
  • Огромен обелиск - камен зашилен столб, со четири страни, повисок од 20 метри, посветен на сите херои што се бореле за слободата на Македонија, наскоро ќе се постави во центарот на Паркот на жената-борец, паралелно со главниот влез на Собранието. Според членови на Одборот за подигање споменици во Општина Центар, ова монументално здание ќе чини околу 60 милиони денари и ќе биде едно од најграндиозните зданија во тој дел од градот.
  • Споменикот ќе биде место каде што странски делегации, газејќи на црвен килим, ќе поставуваат цвеќе и ќе им оддаваат почит на сите херои што војувале за Македонија, без разлика на пол, вера или национална определба. Во околината на споменикот ќе има и придружни елементи што ќе зборуваат за историјата на Македонија. Обелискот ќе биде поставен на постамент, а со него ќе се дообликува централното градско подрачје ...
  • На конкурсот за изградба на обелискот до вчера, кога беше последниот рок, пристигнале околу 20 труда. За триесетина дена ќе се знае точно како ќе изгледа овој споменик, а за победникот е предвидена награда од 400 илјади денари. Во најновите измени на детаљниот урбанистички план „Мал ринг“, Општина Центар предвидела градежна маркичка за овој споменик. Предлогот треба само да го изгласаат советниците на Општината.
  • Обелиск е обележје што стоело до влезовите на пирамидите во Египет, а значењето е вечност. Поради пораката на ова обележје, во многу европски метрополи на плоштадите има поставено обелисци. Во светот има 29 обелисци од Египет поставени на најпознати локации во Вашингтон во Америка, Рим - Италија во Полска, Турција, Франција.
Лесно и е на Општина Центар - таа планира а државата (Грујо) финасира ... така е за скоро сите досегашни новопеченици споменици по центарот на Скопје, така е за триумфалната капија, па веројатно така ке биде и за најновиот изум на големите мозоци на сегашната власт ... Се почна со спомениците околу владата на РМ кои го накитија влезот на Владата на РМ. Продолжи преку спмениците во најстрогиот Центар на Скопје и сегашните најнови. Со последните промени на ДУП-от за центар уште дваесетини маркици за Споменици ке се нанижат на краток простор.

Владата на Груевски која е промотор на ваквата забрзана градба на споменици и мономенти е истата влада која за старите мономенти низ Скопје не му го бере гајлето. За неа се битни само спомениците кои таа планира да ги гради или веќе ги изградила.

Денеска вреди да бидеш само мртов Македонец, особено ако си со револуционерно минато - живите Македонци никој не ги есапи - тие се должни и од нив се очекува да си ќутат трпат и траат, данок да плаќаат и многу да не се бунтуваат са својот стандард ... е да - треба и да гласаат, секако за “нас/нашите“ ...
Posted by Photo Volan at Wednesday, August 19, 2009

No comments:

Post a Comment

Subscribe to: Post Comments (Atom)

Blog Archive
Site Meter