Среќна нова ... 2013-та ...

Султанократи ...

Заради мојата лична фамилијарна трагедија одбрав во 2011 и 2012 да не пишувам на моите блогови политички и социоалекономски теми.  Одбрав да се повлечам во себе и да се преиспитам што да правам со себе. Одбрав да се занимавам со фотографија и да ја запознам Македонија низ фотографска перспектива,  да ги посетам сите оние мали места низ Македонија, кои со својата убавина и дух на минатото имаат што да понудат не само на секој Македонец туку на секој човек, бидејки иако Македонија е многу мала територија таа е преполна со минати траги на цивилизациите кои предстојувале тука, траги од кои секоја е важна за ретортата на нашиот културен и национален идентитет ...

Но како и многумина и мене не ме оставија рамнодушен настаните во и околу Македонскиот Парламент како седиште на македонската демократија од последната недела и нивната кулминација на 24 декември годинава со срамно практикување на недемократија каква до сега не сме виделе во дваесет години практикување на МК демократија. Полициското брутално исфрлање на пратениците од опозицијата со претходно истотака брутално исфрлање на јавноста од македонскиот парламент преку насилното исфрлање на новинарите од големата парламентана сала каде се одвиваше режираната драма на седницата за донесување на буџет за 2013 –та година е слика која тој ден беше планетарено забележана. Тоа одеше и на CNN и другите важни светски медиумски мрежи. Сето тоа е доволен повод и самиот да посакам да напишам свое граѓанско гледиште на мојот медиум - на мојот блог, кој додека пишував на него беше еден од нјачитаните и најкоментираните.

Сите ние останавме вчудоневидени од бруталното насилното полициско укинување на демократијата во Македонија таму каде му е местото во домот на демократијта, во Македонскиот парламент.

По укиувањето на институционалната демократија ни следи долг период на улична демократија, која веројатно ке заврши со нови избори. Какви и кога ке видиме во иднината.

Зошто сето ова мораше да ни се случи баш сега во ладните студени денови кога не е време за улична демократија.

Сегашната власт која своето владеење го потврдува на неколку последователни избори последната 2012 година се судри со огромна економска криза во земјата. Власта не се потруди воопшто да практикува прилагодување на кризата со домаќинско штедење према тоа колку и е долга чергата, туку се впушти во процедура на повеќегодишно спирално задолжувње од домашни и странски извори. Задолжувањето е всушност купување на социјален мир и представува само одлагање на неминовниот банкрот кој секако ке не снајде со вакви економски политики и состојби во стопанството. Ако добро се анализира задолжувањето на МК економија дури и месечно се гледа дека е секојпат поголемо од предходното. Просто е, мора да се вратат старите кредити и нешто да остане за дневниот мањак на средства. Тоа ке трае додека странците речат е неможе веќе ја поминавте линијата и тогаш ке треснеме од земја како што тресна Грција и други и некои други земји. Тогаш бидејки нам нема кој да не помага судбината ке ни биде да се распаднеме најпрвин внатрешно етнички, бидејки на тоа работат албанците од Македонија за да на крај се претопиме во некои други држави околу нас кои одсекојпат имале апетити кон ова парче македонска земја која постои но е оспорена од сите, нарочито од комшиите. Во 2009 та година ни биле доволни 40 сетина милиони месечно задолжување сега не ни стасуваат ни 150 милиони месечно задолжување. Имено само овој месец државата се задолжи на домашниот пазар со цирка 200 милиони евра од домашни извори и над 200 милиони евра од странски извори. Каде е лимитот на задолжувањето – брзо ке го дознаеме, бидејки и идната 2013-та година не се очекува заздравување на домашната економија која е исцрпена и исплашена, ниту пак ке дојдат посакуваните странски инвестиции во услови кога сме надвор од НАТО и ЕУ интегративните процеси. И тука сме закочени и “летаме во место“ веќе полни седум години. Задолжувањето е стил на владеење на сегашната власт која почна да се задолжува оној момент кога ги исфлрли контролорите на задолжувањето преку ММФ, исплатувајки ги старите креити и не зимајки нови од ММФ ...

Можели воопшто нешто да не спаси од неминовниот распад. Ако било кој може да ја спаси Македонија тоа е само МК народ кој си ја сака својата татковина. Мирољубивоста и ненасислноста на МК народ се единствена шанса за опстанок на МК како држава. Економијата секоја година се спасува со милијардата евра која се слива од парите на нашето иселеништво кое е секоја година се побројно. Бројноста на иселеништвото е толку големо што на последниот попис кој беше прекинат имало неразбирливи бројки на толку многу малку народ кој остана тука. Ние обичните луѓе тоа го гледаме, бидејки знаеме колку комшиски деца и цели фамилии се одселуваат или времено одат во странство за да преживеат во сиромаштијата што не снајде. Таа бројност на иселувањето откако власта го виде со бројките од пописот се обиде да го сокрие прогласувајки го пописот неуспешен. Не смеа да испаднат бројките за толку малку народ кој остана тука.

Фингирање на вистината преку фингирање на бројките. Со фингирање на борјките се бави секоја власт како што се бави и секој економски субјект. На шала се вели дека секој биланс кој се поднесува на крајот на годината е точен збир на неточни и невистинити податоци. Таков збир се и државните и општинските буџети кои кријат многу дупки каде куп пари се прелеваат во приватни џепови ... Власта фингира со сите бројки кои ги објавува. Во економска криза која не снајде таа се осмелува да каже дека ја намалила невработеноста а ја зголемила вработеноста. Тоа е можно само како илузија на вешт магионичар и секако добар спин со фингирање на бројки. Спинерот кога сака ни прикажува апслоутни бројки а кога сака ни покажува само релативни бројки према тоа што му одговара. Таква илузија преку медиумите кои одред доред во рацете на власта, се обидуваат да ни ја продадат како вистина - иако ние сите осеќаме колку ни е економската моќ на нашиот новчаник кога ке влеземе во продавниците за да купиме намирници ...

Со сегашниот стил на владеење со партиите од власта и опозицијата преку влдеење на султанократија ние неможеме да имаме верба во демократијата која ни се нуди. Оној кој вистински олучува кој ке владее во државата а тоа се неопределените е преплашен на кого да му ја довери власта на наредните избори. Не владејаа и Курто и Мурто со подршка на неопределените. И од двете партии кои до сега не владеаа неопределените не се задоволни. Но бидејки нема вистинска трета опција ниту е пак таа е на повидок во брзо време нема ништо да се смени во политичките односи во државата ни. Верните подржувачи на власта на двете најмоќни партии се со приближно изедначен број. Очекувам дека бројките на секои наредни избри ке бидат слични како и на предходните  т.е ке бидат тесни. За тоа кој ке владее ке одлучуваат албанските партии како и на последните избори. Тие ке одмерат од кого повеќе ке можат да добијат за сојата кауза и таа партија ке владее во блиската иднина ...

Мудроста и мирољубивоста на МК народ ке не спаси од жртви во уличната пресметка на партиите бидејки парламентарната пресметка е оневозможена. Кај и да е ова улична демократија неможе долго да трае на крај факторите кои владеат со политичкиот живот во македонија а тоа се странските представништва на неколку земји ке ги присилат власта и опозицијата да се сретнат на нови избори. Странците не се заинтересирани да ни тргне на нас ние им требаме само како територија и народ кој ке плаќа кредити ... кој ке биде на власт ке не остават сами да си избираме. Нема да имаме демократија додека имаме сутанократија во партиите која се пресликува потоа во државата.

Среќна нова ... 2013-та ...

Лета ли магарето ???

Ако се одлучи валадата ни дека треба да не убеди дека магарето лета, едноставно ке не убеди. Стопати дневно на сите ТВ програми и медиуми ке огласи (со народни пари) дека магарето лета ... Се загадија сите медиуми ...

РеКорд - Скопје

Од некогашен Рекорд останало само “ОРД“ ...
Вчера возејки со автобус до автобуската постојка Рекорд, се запрашав што е сега некогашната продавница на Трготекстил “Рекорд“ пред која иљадници скопјани ги закажале првито состаноци ... Средбите на младите сеуште продолжуваат пред Рекорд иако станицата од таа страна е поместена стотина метри во прабвец на центар накај Малата продавница на Багат ... а од другата страна станицата е пред Ванила т.е. пред некогашната продавница на Музички магазин, каде старите скопјани ги купуваа првите плочи ... сега чинам дека тој локал е продавница за бели пецива ...

Винарија - Попова Кула ... Vinarija - Popova Kula

сл.1   Винарија - Попова Кула ... Vinarija - Popova Kula

Тешки одлуки ...

Во животот во некои негови моменти мораме да носиме тешки одлуки. Една таква тешка одлука морам да донесам деновиве ...

Скаменето срце

Даровит писател може да напише добра поема под оваа фотографија. Да сум даскал во школо би ја дал на децата како мотив на тема скаменето срце. ...

Детска игра ...

Сонце, вода, песок, ветерче, деца. Идеални услови да се развие детска игра. Се чини дека во тие моменти на занесеност во играта за детето на постои ништо поважно на светот. Секако детето со едно око ја осеќа присутноста на своите родители кои му влеваат сигурност.

Оној кој го загубил детето во себе ја загубил среќата на искрајната детска игра, ја загубил среќата.

Сакам да гледам детска игра бидејки така ја гледам вистинската среќа на животот. Животот е игра. Оној момент кога ке престанеме да се играме престануваме да бидеме среќни.

Убавина/Грдотија ... Добро/Лошо

Секојпат кога ке погледнеме околу нас имаме судир на убавина и грдотија. Тоа е слично како судир на доброто и лошото и тие одат заедно. Прашање на нашата перцепција е што гледаме кога гледаме, всушност што сакаме да видиме. Ист призор за некого е убав за друг грд. За мене убаво е се што е природно или барем личи на природно. Природата прави хармонија.

Боите на летото

Боите на летото се врзуваат за нашите годишни одмори. Тоа е време кога сакме да мрднеме од нашето гнездо, да избегаме за кратко на некое егзотично место каде можеме да ги уживаме благодетите на летото. Да симнеме голем дел од нашата облека и да дојдеме во допир со природата - изворно. Сето ова е поврзано со водата која не разладува и гали. Со ветерчето кое ни пирка и лади. Нема иделано место за одмор. Идеалното место го бира секој индивидуално, зависно од неговите потреби и можности.
Не мора да е правило, но за мене најдобро место за мојот одмор е мојот дом, мојот град. Чудно можеби, но секојпат се радувам кога се враќам во мојот дом, во мојот град ...

Манастир „Св. Андреја“ - Матка

сл.1  Манастирот „Св. Андреја“ - Матка е свето и митско место, кое има големо значение за скопјани. Од времето до денеска генерации на скопјани со респект и почит го посетуваат ова свето место. За настанокот на самата црква има една научна теза и втора легердарна приказна.Према првата научната теза Црквата Свети Андреја Матка е подигната во 1389 година. Нејзин ктитор е вториот син кралот Волкашин и брат на Крале Марко, Андрејаш. Ова го дознаваме од натписот над надвратникот на западната влезна врата во наосот на црквата.Према втората легендарна приказна во времето на Крале Марко, тука водела карванска патека по која врвеле Кралот Марко и неговиот брат Андраш. Дошле до ова место во кое имало стар Ан. Крале марко останал кај коњите а во анот влегол Андраш. Во анот имало турци кои го нападнале и убиле Андраш. Крале Марко чекајки предолго влегол во кафеаната, видел дека братот му е погубен - во борба ги убил убијците на братот а него го сохранил во дворот на анот ... Подоцна се врќа тука и во спомен на братот ја гради Цркват и Манастирот Свети Андреја Матка ... Како заштита од понатамошни зулуми остава печат, својата рака во отисок во камен ... се смета дека тој отисок го штити манастирот од понатамошните зулуми ...Самата црква иако многу мала е прекрасно иконописана. Фрескоживописот говори дека Кралот Марко ги ангажирал врвните мајстори на фрескосликарството.Во непосредна близина на оваа црква и манастир има уште неколку средновековни цркви, повеќе од нив градени на остатоци од сахрални и црковни објекти од раниот период на христијанството. Многумина затоа велат дека ова е своевидна Македонска Света Гора ...

Сонце

сл.1  Сонцето е тврорецот на животот ... Утрово кога излегов надвор кога само за кратко паднаа неколку зrаци сонце на моето лице - ме обзема некоја внатрешна радост и мир ... некоја енергија, што ли ... си реков во себе не е чудо што е Македонија една од земјите кои го слават/обожуваат сонцето ... го имаат вградено во своите симболи ...

Во Македонија сонцето е повеќе од симбол ... божество од паганските времиња до денеска ... сите ние како човечки суштества знаеме/осеќаме кога некој ни прави добро ... а сонцето тоа секојдневно го прави ...додека има сонце ке има и живот ...

* ни дава СВЕТЛИНА

* ни дава ТОПЛИНА

* ни дава ЖИВОТ ...

Свети Пантелејмон Скопје

сл.1  Свети Пантелејмон е прастаро излетничко место на скопјани. Секако дека е и свето место одбрано да се направи една од најзначајните МК Цркви и Манастири. Црквата била подигната од византискиот принц Алексеј Ангел син на Константин Ангел и Теодора, ќерка на византискиот император Алексеј I Комнен (1081 - 1118). Значењето на црквата е посебно поради прекрасниот фрескоживопис кој е значајен за историјата на сликарството, бидејки начинот на кој е фрескоживописана представува предвесник на ренесансното сликарство пред Ѓото. Осбно сето ова се изразува во композицијата на оплакување на Христа каде Богородица со својот лик го оплакува/жали по своето чедо ...  

Свети Пантелејмон е едено од неколкуте неодминливи места кои секој кој дошол во Скопје мора да го посети. Заради неговата старост и светост, заради мирот кој го има таму, заради историјата на уметнтноста , заради прекрасниот панорамски поглед на Скопје, заради чистиот воздух, заради мистиката на просторот и заради многу други нешта кои секој индивидуално ги пронаоѓа во ова мето ...

Св. Ѓорѓи - Старо Нагоричане

сл.1  Секогаш нешто топло ми се случува околу срцето кога ке го видам овој призор, местото на моите предци ... мирисот на тревата под старите багреми, ме подсетува на бројните книги прочитани во нивните сенки ... погледот према Црквица каде толку често сум ги одмарал очите од буквите на книгата ... газејки по тревата меѓу проредените спомен плочи газам по коските на моите предци ... седејки на топлиот камен од спомениците, седам на коските на некој од моите предци ... нешто чудно и мистично секојпат со сета те враќа на местото на твоето потекло и раѓање ... привилегија е да знаеш каде точно си се родил ... привилегија е да те препознаваат луѓето додека замислено шеташ по некоја од камените сокаци ... привилегија е да си го сакаш својот род и минато ... пиејки вода од прастарата чешма, го частиш својот желудник со истата вода која првпат во животот си ја пиел ... привилегија е сето сеќавање на детството поминато околу овие камења кои на други луѓе им значат само историја и уметност, додека на тебе ти значат дел од твојата лична меморија ... кога се сеќаваш како со љубопитство си се качувал на камбанеријата за да ги видиш малите пилци од бројните птици кои свиваат гнезда во тогаш напуштената камбанерија ... седејки тука се сеќаваш на игрите од твоето детство ... слушајки ги птиците го слушаш звукот и мелодијата на твоето детство ...

Ден за перење ...

Недела е денот за перење во Македонија. Колку знам сите вообичаено перат во недела. Веројатно заради евтината струја а веројатно затоа што за перење треба време кое го немаме преку неделата.

Пчиња

сл.1  Каде да се побегне од вруќините во Македонија. Одговорот е прост таму каде има течна вода, таму каде доаѓа свежо ветерче од водата и планинските врвови кои носат свежина, пријатен воздух, мирис на природата и цвркут на птиците. Мир божји. Ако прашаш рибар тој недвосмислено ке се одлучи за горните текови на нашите бројни реки. Радика, Треска на пример. Во мојот слушај, предлог е Пчиња, бидејки ја познавам, бидејки од нејзините води сум задоен, таму ми е врзан папокот.

Тиквешко

сл.1  Тиквешко езеро, омиленото езеро на рибарите, мене ми е омилено заради прекрасната фотографија која таму ја имам направено. Прекрасни зајдисонца и трансформација на светлоста во магичните моменти на трансформација на светлоста во периодот на зајдисонцето и потоа, се појачано со рефлекцијата на водата со сиот незин значај.

Да ти снема интернет

Утрово повторно лошо спиев, среде сон ме фати грч на едната нога, едвај станав, се видов препотен, значи мораше да се оди и под туш што значеше дека ке се расонам. На телевизијата се вртеше некоја реприза и реков нема друго, станување и почнување со ритуалот на денот малку порано. Гледам на сатот сум фатил пет часа сон, ми фалеа уште два за да се наспиам.  Убавото беше слушање на веселиот цвкут на птиците кои пораниле и веројатно се договараа кој каде ке оди и што ке работи. Искочив на терасата гледам зората почнува да пристига, сонцето само што не почнало да се раѓа. Некако не ми се фоткаше, сеуште ненаспан се осетив мрзовољен. Реков нема што, нема друго ајт на компјутер и на интернет. Имав во нотесот запишано неколку предлог текстови. Некаде при врвот беше текстот за инаетот, лутината, бесот, гневот, креацијата, ...

Беровско Езеро

сл.1  Беровско езеро е бисер на македонската природа. Изградено уште во трулиот социјлаизам, кога се направи беровската брана, пристапниот пат и бунгаловскиот почетен комплекс со спортски терени. Одсекојпат беше мета на спортистите за висински припреми кои немаат подобри услови за висински припреми во Македонија од овие. Ако е добро за спортистите уште подобро е за фамилијарен викенд и одмор, како во зима кога е богато со снег така и во лето кога е богато со мир, тишина преубав воздух и прекрасна природа ... Одмор за душа. Колку добро би дошла една пензионерска населба која би ги мамела пензионерите од Македонија па и од странство ... Сигурен сум дека и една медицинска населба би била убава, за оние луѓе на кои им е потребенн мир, тишина и мирис на природата, на борот да олабават од секојдневицата и да закрепнат за утрешницата ...

ДОЈРАН ... Дојранско Езеро

сл.1  Дојран ја крие приказната за убавата Дојрана која како богиња на Дојранското езеро ги мами луѓето да дојдат и да одморат душа на бреговите на Дојранско езеро, под дебелите сенки на старите чинари. По спасот на Дојранското езеро од неговото еко умирање, Дојран полека го враќа сјајот и луѓето ... Некогаш Дојран беше познат по лековитоста на алгите, по бројните фабрички летовалишта, извиднички кампови, приколку и евтин работнички туризам.

Св.Богородица - Калишта, Струга

сл.1    Светоста на местото е вековна, монасите во некое далечно време стварале монашки келии во брдото и го живееле својт монашки живот подвизувајки се. Долго време овој комплекс беше попознат по хотелот. Во поновото време се е вратено на управување на црквата, изградени се две нови цркви. Од монашките келии е направена атракција за сликање, но сликањето не е дозволено!?. Црквата управува со овој имот со профит. Во склоп на овој имот е и блискиот хотел Бисер кој е сеуште финансиска мистерија ...

Свети Наум - Охрид

сл. 1  Свети Наум Охрид, свето место на вистинско место каде очите се полнат со езерската шир а душата прима невероватна енергија н самото место. Никој не останува рамнодушен кога ке го посети овој простор кој пружа и релативно евтин и удобен хотелски смештај ... Овој манастир е само еден од 365-те манастири и цркви во Охрид и околината - вистински Македонски православен ерусалим ...

Од идеја до целта

За разлика од другите животински видови на нашата зелена планета полна со живот, човекот има особено развиен разум и резон. Не дека останатите животински видови тоа го немаат, но тоа тие го прават инстиктивно не со разум и план. Човекот благодарејки на својот разум однапред си го планира животот. Се спрема за него образувајки се, го бира местото на живеење и местото на работа, го бира образованието кое највеќе му прилага на неговиот ментален склоп, го бира партнерот со кој ке оформи фамилија. Скоро се може да биде план и плански. Не дека мене особено тоа ми се допаѓа бидејки јас ги сакам случајностите кои се особено битни да те извадат од монотонијата на планскиот живот.

Водопадот Дуф и околината ...

сл.1  Тргнавме кон водопадот Дуф - автобусите требаше да не однесат до Ростуша но заглавија на кривината и отука појдовме пеш ... ме импресионираат убавите планини полни со вегетација и прекрасните облаци околу нивните врвови ...

Мачење на душата

Колку може душата да издржи кога нешто сака. Тоа секој треба сам да го провери. За да не си ја мачи душата ако нешто што го сака не го бидува, треба да престане да си ја мачи душата. Треба да се сврти кон цели/желби кои се остварливи. Онаа цел која ја сака а не му е дотапна треба да ја напушти. Во клоку неможе така лесно да ја напушти неостварената желба/цел, желбата ке му пукне душата. Душата ни треба онаква здрава и треба разумно да ја чуваме.

Манастир Трескавец - Прилепско

сл.1  Секој кој не бил треба да појде, да ги доживее фигурите од камен попат каде карпите само што не проговориле, да ја доживее светоста на местото, да дознаа зошто Трескавец го носи баш тоа име, да ги одмори очите во бескрајните панорами на сите страни и да провери зошто планината се вика Злата а врвот Златоврв со Златното јаболко токму на врвот ...

Изворите на Црн Дрим - Свети Наум, место каде најубаво се слуша тишината

Изворите на Црн Дрим - Свети Наум, место каде најубаво се слуша тишината

Трошки

Сеќавање од детството во време пред земјотресот. Живеевме кај Универзална а имав тетка која живееше во Автокоманда. Ги паметам автобусите тогаш оние вистинските двоспратни од Leyland. Последна автобуска на тогашна двојка беше кај сегашната слаткарница Апче на кривината кај Градежен факултет а последна на двојка во Автокоманда беше кај оној споменикот од бетон кај Автокоманда. Автобуките билети за работничката класа беа скапи и најчесто на гости одевме пешки. Ке дојдевме до кејот на Вардар и по левата страна на кејот на Вардар одевме покрај дрворедот од багреми (чинам дека беше) по крупната коцка и обична калдрма која имаше и тротоар. Ке пресечевме кај саем, тогаш старата зграда на Воена Болница, па ке поминевме низ дворот на црквата во Автокоманда „Храм славе“ и потоа кај тетками на ручек.

Сончева Долина - отаде Водно ...

Сончева Долина - отаде Водно ...

Кога водата е најслатка

Кога ја пиеш од извор близу до местото каде си се родил. Кога е таа течна, во движење, кога во неа осем вода има минерали на кои твојот стомак е научен, кога во неа има мали меурчиња од воздух кои се резултат на брзото течење. Кога е само неколку степени пониска од температурата каде престојуваш.

Омилени патики - Патика кондура

Дваесетина години веќе сакам да сум во спортска гардероба. Во неа најдобро се чувствувам, најкомотно, најубаво - одговара на моето тело и на моите потреби. Имав личен пријател и сопатник кој викаше: Види га у обуќу па га пусти у куќу. Имам пробано скоро сите попознати марки. Со моделот од горната фотка сум најзадоволен. Ем е патика ем е кондура, ем е лесна за пешачење, ем може да се носи и во лето и во зима, по дожд, по снег, на плаина или прошетка. Одговара и за моите омилени прошетки со велосипед.

Тајната на животот ...

Често се запрашваме во што се состои тајната на животот, која е неговата смисла. Тоа особено се запрашуваме кога сме млади, кога ни следува проширување на видиците и случување на некои нешта кои следуваат за тој период од животот. Кога се вљубуваме, кога ја очекуваме првата работа, првиот бакнеж, првото дете ...

Интернет промоција на убавините на Македонија ...

Вевчани во есенски бои ...
Оние кои се ранобудни и сакаат да слушаат тематика за фотографија и интернет презентација на Македонија преку фотографијата, нека ја следат утре (24 феброари 2012) утринската програма на АЛФА ТВ ... ке гостувам во термин меѓу 8 и петнаесет до 8 и триесет ...