Џамии во Скопје и околината ...

Овој период интензивно сликам по старите објекти низ Скопје. Ги опфатувам скоро сите Цркви и Манастири, Џамии, Анови, Амами и останата профана стара архитектура во Скопје и Скопско. Овдека ке дадам краток пресек на Џамиите во Скопје и нивната историја. Музеиите и архео-локалитетите истотака се во план за фото сесии кои постепено ке ги подигам на интернет како Фото и видео приказни на моите блогови - со цел да се зголеми фото приказот на овие значајни културно историски и верски објекти на Скопје и скопско ...

Турците на балканот навлегуваат по извојуваната победа кај Марица на 26. септември 1371 и особено по Косовската битка на 15 јуни според јулијанскиот, односно на 28 јуни 1389 година според григоријанскиот календар во месноста Газиместан на Косово Поле, северно од Приштина.

Повеќе »

• Скопје паѓа под турска управа на 19 јануари 1392 ...
  
• Со турската управа следи и зголемувањето на муслиманското население во Скопје - во Скопје во 1445 година живееле 511 муслимански и 339 христијански семејства, а веќе во 1519 година бројот на муслиманските семејства се зголемува на 717, а на христијанските се намалува на 302. ...
  
• Имотите на многубројните цркви, на манастирите и на месното население преминува во турски раце. Градот и неговата чаршија ја гибат својата христијанска култура, која се повеќе и го отстапува местото на турско-арапската. И самото име на градот е сменето; Скопје станува Uskup. ...
  
• Прв скопски краишник е неговиот освојувач Паша Јигит-бег (1392-1414), а потоа следуваат Исхак-бег (1414-1439) и неговиот син Иса-бег(1439-1463).
• Скопје станува и главно воено упориште на турската османлиска војска во нејзиниот поход за освојување на целиот Балкански Полуостров, а се до паѓањето на Србија (1459), Босна (1463) и Херцеговина (1482) во него е сместен главниот турски гарнизон
• Скопски Горенград, и покрај тоа што врз него ќе бидат изведени првите градежни потфати на новите освојувачи целосно ја губи својата улога, претворајќи се во воено упориште и во обична касарна на турскиот воен гарнизон.
• Набргу врз темелите на средновековните цркви на просторот на Доленград ќе изникнат монументални исламски верски објекти - џамии, а наскоро започнува и изградбата на повеќе објекти од стопански карактер.
• Во првите децении на XV век, најверојатно врз темелите на средновековната црква Св. Врачи, ќе биде изградена можеби најстарата џамија на Балканот - Меддах џамија, чиј легатор е освојувачот на Скопје и негов прв турски намесник Паша Јигит-бег.
• Врз темелите на некогашниот христијански центар на Скопје - манастирот Свети Ѓорѓи Горгос, на познатиот Виргинов Рид, започнува изградбата на најголемата и најубава џамија на територијата на Балканот, познатата Султан-Муратова (Хјунќар) џамија, чија изградба ќе биде завршена во 1436 година.
• Во 1438 година, на просторот на некогашната манастирска ливада, на која со векови дотогаш биле одржувани годишниот панаѓур на празникот "Воведение на Богородица" и неделниот пазар, ќе биде подигната уште една џамија - познатата Алаџа (Шарена) џамија, чиј легатор е вториот скопски краишки војвода Исхак-бег кој, покрај џамијата изградил и медреса, конаци и турбе.
• Во втората половина на XV век ќе бидат изградени и повеќе џамии, меѓу кои се издвојуваат: Иса-беговата (1475), Хаџи-Касамова (1489-1490) и прекрасната мустафа-пашина џамија во 1492 година.

1. Исхак - Бегова (Шарена-Алаџа) Џамија ... Ishak Bey (Aladja) Mosque ... Градена е 1438/39 година/ Нејзин ктитор бил Исхак-бег, воен командант на Скопје. ...
2. Гази Иса Бегова Џамија - Скопје ... Gazi Issa Bey Mosque - Skopje ... Xhamia e Gazi Isa beut ... Изградена е во 1475/76 година. Најзин ктитор бил Иса-бег (1439-1463), управител на скопската област, внук на освојувачот на Скопје Паша Јигит-Бег (1392-1414).
3. Султан Муратова Џамија Скопје ... Saat Kula - Sultan Muratova Džamija Skopje ... изградена уште во 1436 година како задужбина на султан Мурат II (владеел од 1421 до 1451 година), татко на султан Мехмед Освојувач
4. Мала Џамија не и го знам точно името - но се работи за постара џамија. Се наоѓа веднаш на десната страна на влезот во Универзитетскиот центар - Скопје.
5. Мустафа Пашината Џамија Скопје ... задужбина на некогашниот заповедник на Скопје Мустафа – паша.Според стилот, таа му припаѓа на раноцариградскиот период (втора половина на XV век – почеток на XVI век), бил подигнат во 1492 година од страна на скопскиот заповедник Мустафа Паша, чие име е врежано на плочата над влезната врата. Во овој сакрален комплекс влегува и турбето во кое е погребан ктиторот на џамијата Мустафа – паша во 1519 година.
6. Мурат-Пашина Џамија Скопје ... Годината на нејзината изградба ја дознаваме од натписот на мермерната плоча, поставена над влезната врата. Според него, џамијата била темелно обновена во 1802 година од страна на некојси заслужен валија на Скопје ... најголемата љубопитност и интересирање кај посетителите го предизвикуваат остатоците од некогашните гробишта на џамијата. Всушност, станува збор за три надгробни споменици кои датираат од 1741, 1790, ... се предпостава дека постарата џамија изгорела во големиот пожар што го зафатил Скопје во 1689 година.
7. Ќосе Кади Џамија Скопје ... Се наоѓа во непосредна близина на Безистен. Овој објект има интересна архитектура: во долниот дел, односно во приземјето, се лоцирани поголем дел дуќани, а молитвениот простор, односно џамијата во вистинска смисла на зборот, се наоѓа на катот. ... Објекти од ваков тип во Османлиската империја најмногу биле градени кон крајот на XVIII век и во текот на минатиот век. За датирањето на Ќосе Кади џамија не постојат податоци, но се претпоставува дека е изградена во XVIII век.
8. Казанџилер Џамија, Стара чаршија - Скопје ... Казанџилер џамија била изградена во XVII век од страна на казанџискиот еснаф во Чаршијата. Таа била скромна и не многу угледна градба. Денес таа не постои, бидејќи е речиси целосно урната.
9. Дуќанџик Џамија Скопје ... 1549/1550 ... Земјотресот од 1963 година ја разруши "Дуканџик" џамијата, а остана недопрено само нејзиното минаре. Повторно е обновена во период 2004/2007-ма ...
10. Јахја Паша Џамија Скопје ... Оваа џамија ја изградил Јахја паша, зет на султанот Бајазит во 1503 година, еден од командантите на градот Скопје. ... Минарето највисоко од сите во Скопје е 50 метри ...
11. Хатунџик Џамија Скопје ... За прв пат таа е изградена во 16 –от век од
    ќерката на Јахја Паша, Хани Хатуни од каде го
    добила и името.
12. Прв верски објект подигнат на десниот брег на Вардар е Бурмали џамија, изградена во 1495 година
    
13. Хусеин Шах Џамија во Сарај Скопје, градена во 1553/54 година ...
14. Јелин Капан Џамија Скопје ... на местото на Судска палата Скопје ...
15. Фаик Пашина Џамија Скопје ... Маџар маало ...
16. Ибни Пајко Џамија Скопје ... на местото на сегашната градба на зградата на филхармонија ... Џамијата се споменува се до некаде 1946/47 година, а најверојатно е урната за време на војната или по неа.
17. Џамија во Нерези ...
    

На османлиите им требало цели 40 години по влегувањето во Скопје да почнат да градат муслимански верски објекти - Џамии. Најчесто џамиите се градени врз стари црковни објекти и манастири - принципот е дека бог е еден ... Најстарите цркви во Тврдината Кале (Горен град - биле три) се урнати. Кале е претворено во турски гарнизон а цивилниот живот е пренасочен во долниот град т.е. во денешната територија на старата скопска чаршија, каде осем џамии интензивно се градат анови и турски бањи по принципот на исламска тројка Ан-Бања-Џамија ...