МАМУРЛУК

Благодарам на вашите добри желби и честитки - од минатиот пост ... драги мои блог читатели - воедно и пријатели ... Незнам, трипати поубаво да Ви се врати на личен и професионален план.

Синоќа како што Ви реков стандардно ја дочекавме Новата година ... Масата полна преполна - како надвор да не беснее економска криза ... Не се изеде ни испи ни пола од она што беше поставено на масата... Но затоа режимот на песните и забавата беше стандарден ... Најопрвин носталгичните стари забавни песни од бившите ЈУ простори а и со незаборавните МК композиции од рангот на “Чија си“ ... потоа колца за да се разиграат “Локиците“ ... по некој чочек ... и за крај староградските - мешано ин лајф и во изведба на незаборавните мајстори ...

Онака капнати од умор со болка во грбот и мускулите ... стандардно станување денеска во 12 часот и директно во Виена на новогодишниот концерт - во друштво на одмрзнати кифлици и стандардни салати - кафенце и кокакола ... концертот стандарден - на моменти одличен ... се разбира најдоброто беше на крајот ... од вообичаениот бис ... со Радетскиот марш ... ми фалеше само оваа година како да не ја чув “На убавиот син дунав“ ...

Користам прилика да како и на Виенскиот концерт упатам специјална честитка на Бугарија и Румунија за влез во ЕУ - имено и на концертот чувме специјална честитка за добродојде во ЕУ на Дунавските земји - Бугарија и Румунија ... Па нека им е со среќа и што се вели нека повлечат нога ...

Сега онака во пижами атвмосфера се прегледаваат новогодишните програми по сите телевизии ... па ред музика - ред забава - ред кафе и кифлички ... ммммм