ПАРИЧКА

Синоќа вообичаено се палеа коледаските огнови. Црквата вели дека се тоа пагански обичаи но бидејки се широко прифатени од народот и Црквата се приклучува на овој народен обичај ... Симпатично собирање пред православните куќи - во друштво на огин ... греена ракија, чај и посна трпеза ... Се разбира и во друштво на народна музика ... некое колце (на некого ова му сметало - се кршел законот ...)

Утринава како што е ред не пробудија коледарските песни на малите дечиња ... Живеам во релативно голема зграда во Ново Лисиче и утрински коледари се вообичаена слика ... Неколку групи на дечиња со своите прекрасни пискави гласчиња и возбуда во срцето ... со црвени обравчиња ... најлон кеси во рацете - полни преполни ... некои и со старските торбички ...

Ние спремни по дома со кошница полна со Костени - Ореви - Лешници - Бадеми - Јаболчиња - Бомбони и ситни парички ... децата највеќе на парички се радуваат ... Оваа година не посетија и неколку групи на циганчиња - кои борават во околните диви престојалишта ... морам да признам дека беа најбројни и најгласни ...

Припремата за бадниковата трпеза и лепчето со паричка е ритуал - кој со години го повторуваме ...

Слушам поплака од синот - е ако и оваа година се падне паричката кај сесетрами - јас незнам ... ке се откажам од .... Масата се нареди со посна трпеза - Риба - Гравче - Пити со купус и праз - Штридла - Коштанчиња - Ореви - Урми - Суви смокви - и други ситници и почна ритуалот на делењето на паричката ... И што - паричката и оваа година по којзнае кој пат по ред се падна кај керками ... Малку натажен што не падна паричата кај него синот сепак смогна снаги да и честита на сестраму ... Се почестивме со тоа што е на масата и оставивме онака се на маса ... (нели се очекува и господ да дојде на масата и да се послужи ... затоа масата не се распремува до утре ден ...) до големиот ден Божиќ - до денот на раѓањето на Исус Христос ...