БЛОГ - зошто блогирам

Повеќе од година дена Блогот ми е секојдневие ... Пишувам свои постови ... Читам туѓи блогови ... коментирам ...

Не ни приметив дека ова скоро стана како некоја зависност ... ок сите медиуми прават зависност ... се смирувам самиот себе ...

Но зошто јас лично почнав да блогирам .... хм,хмм ...

Предпоставувам како и многу други луѓе и јас имам лична перцепција за се што се случува околу мене ... за природните случки што ги гледам низ моето око ... но и за општествените процеси кои секојдневно се случуваат пред мене ...

Бидејки повеќе од дваесетипет години не членувам во ниедна политичка партија ... немам каде да ја празнам енергијата која се собира во мене како zoon politikon .... па некако како најприкладно ми дојде блогот ...

Онака ке ти дојде идеја и ке ја лупнеш на Интернет на проверка во виртуелниот свет ... и чекаш реакција од други слични на тебе zoon politikon-ни ...

Од друга страна Блогот ти овозможува ако сакаш да го сокриеш идентитетот - кога ке кажеш дека “Царот Тројан има козји уши...“ .... Дупката во која чиракот викал дека Царот Тројан има козји уши е за мене Блогот ... Јас тука слободно си ги кажувам моите ставови по сите теми ... па и политичките ...

Значи да скратам Блогот ми служи психички да си ја растеретам душата и да кажам се што ме мачи и што ме премислува ... како верник кој оди на исповед ...