Македонската просечна плата не е доволна ни за социјална помош

За потрошувачка кошничка 75% од просечна македонска нето плата

“..Просечната македонска нето плата за декември изнесува 13.125 денари и е повисока за 258 денари во споредба со претходниот месец. За потрошувачка прехранбена кошничка за просечно четиричлено семејство требало да издвои 9.947 денари или 75.8% од својата плата...“

Овие 9.947 денари покриваат само прехранбени артикли за четирчлено семејство.

Ајде малку весела математика. Исто такво четиричлено семејство имам и јас самиот.

ПРЕХРАНА - 17.000 денари
Неделно еднаш одам на неделно пазарење во Тинекс и Кам Маркет и трошам просечно по 3000 денари. Во текот на неделата допазаруваме ситници секојдневни за усте 1000 денари. (4000/7*30=17142 денари месечно) значи заокрушено 17000 денари .

КОМУНАЛИИ - 6.600 денари
Струја - 2500, вода 600, телефон, 1500, парно 2000,

ПРЕВОЗ - 7.800 денари
Аутобуски карти 2400, бензин 5400

ОБЛЕКА И ОСТАНАТИ СИТНИ ТРОШОЦИ 3.000 денари
Инвестиционо одржување на покуќнина 5.000 денари
Инвестиционо одржување на стан или куќа 12.000 денари
Одмор и рекреација 7.500 денари.
Останати непредвидени трошоци 2100 денари.

Значи гранд тотал 61.000 денари (или 1000 евра)

Ова е мојата пресметка за скромно живеење на едно четворочлено семејство по моја математика.