Search This Blog

Loading...

Monday, March 28, 2016

Камен во бубрег

Современ апарат за кршење на камен во бубрег на база на ESWL- Терапија со екстракорпорална шок бранова литотрипсија претставува револуција во третманот на уринарна литијаза. ESWL се изведува во посебна просторија за таа намена, опремена со најсовремен апарат за анестезија кој овозможува третманот да се изведе безболно. Специфичноста на овој метод е во тоа што генерира релативно слаби бранови, кои поминуваат преку телото, но добиваат голема сила во фокусот т.е. каменот, што резултира во негова фрагментација. Постојат три видови генератори на сила: електро-хидрауличен, електромагнетски и пизоелектричен. Најдобри резултати во однос на дефрагментација и елиминација на камења се постигнуваат со електро-хидрауличниот апарат. Предноста на овој метод е што се работи за амбулантска процедура и не е потребна хоспитализација, а пациентот може да ја напушти болницата еден час по третманот. Стапката на успех на оваа процедура е 90% за каменчиња од 1,5cm и 75 % за камчиња поголеми од 1,5 cm.

Едена од честите последици на болеста на уринарниот тракт е камен во бубрег. Велат дека е последица на недоволно пиење на течности, вода пред се. Нормално е да возрасен човек пие две литри течности дневно и повеќе за да ги части бубрезите кои се нели филтери на крвотокот и бубрезите дневно пумпаат до 120 литри крв прочистувајки го. Како последица на тоа чистење во некои организми се ствараат камења во бубрег. Тие ако се помали и има доволно течност вода пред се се исфрлуваат преку уринарните канали во бешиката па со мокраќата се исфрлаат надвор од телото. Мажите имаат поголем проблем за исфрлање на камен од бубрег затоа што имаат потесни канали и критични точки особено во делот на простатата. Така во просек скоро трипати повеќе камен во бубрег имаат мажи во однос на жени. Камен во бубрег денешната медицина лесно го лоцира со снимањето на бубрезите и уринарниот тракт. Постојат стандардни лекови и народни лекови во форма на чаеви и напитоци кои луѓето ги пијат за да го исфрлат каменот во бубрегот. Кога каменот ке почне да патува низ уринарните канали тој ако е поголем заглавува во каналите и тогаш се чувствува една од најсилните болки кои ги препознава човечкиот организам. Последица е повраќање и мачнина се до онесвестување. Каменот сепак наоѓа начин да искочи природно од уринарнииот систем ако е до димензија помала од сантиметар. Течности и тинктури кои се пијат за омекнување и разбивање на камен во бубрег или во уринарните канали а кои се препорачуваат во традиционална/народна медицина се бројни: на база на лимунов сок, на база на просо (руски напиток), на база на чаеви - увин чај, клека, листови и корени од бреза, и многу комбинации од чаеви кои всушност допринесуваат на организмот да го исфрли каменот по природен пат а притоа да ги залечува воспаленијата кои настануваат како последица од запушувањето на уринарните канали. Всушност најбитно од се е да се пијат доволно количини на течности (ако треба и на сила да се пијат) а пред се вода. Литар ипол до две литри дневно.  Современата медицина долго време усовршува методи на вадење на заглавените поголеми камени структури над сантиметар два а понекојпат знаат да бидат и поголеми, се до големина на топче од голф. Хируршките интервенции со класично сечење во пределот каде е каменот се се` поретки затоа што постоперативното лекување е долго. Затоа се усовршени лапараскопски уреди на база на ласерско сечиво кои се вметнуваат или преку мали резови до еден сантиметар на погодно место или преку природните отвори т.е. преку уринарните канали за да се дојде до каменот кој се зафаќа со мала канџа водена со систем на мини камера и вешто се вади надвор. Лапараскопијата е многу ефикасна при вадењето бидејки е високо прецизна и многу малку ги оштетува уринарните канали кои предходно се припремаат со соодветен третман на антибиотска и друг вид на терапија. За ден два по вадењето на каменот пациентот оди дома. Во поново време за да се разбијат поголеми камења во кои се наоѓаат во бубрегот или во уринарните канали се користи метот на разбивање на каменот со помош на надворешно усмерени зраци - Терапија со екстракорпорална шок бранова литотрипсија претставува револуција во третманот на уринарна литијаза - ЕSWL.  На ваков третман бев подложен и јас во уролошкиот центар на Воена Болница Скопје  (сега клиника 8 Септември), види ја почетната фотографија и едно од видеата. Процедурата траеше сат време. Ми беше убризган интервенозно мала доза на опивка. Беше лоциран каменот од ренген апаратот кој е составен дел на овој апарат и со малата плава рака се дојде до бубрегот под соодветен агол за да не се оштетат околните коскени структури нарочито кичмата која е многу блиску. Беа извршени 4000 удари. 90 CW/мин со јачина до 4 КЈ. Ми беше појаснето дека од ударите делумно се оштетуваат и каналите и дека извесен период на време заедно со малите каменчиња кои се разбиени ке мокрам и крвен секрет - за што се даваше доза на антибиотика... Каменот не успеа и по сел час на кршење да се разбие во потполност. Ми беше кажано дека по месец дена ке бидам повторно третиран на доза на кршење на каменот на истиот апарат. Во меѓувреме ке се прати колку од каменот сепак се подршил. Додека го кршеа каменот јас бев свесен и самиот пратев на екран како го третираат од разни агли и на сите делови од камената структура.

Би сакал да кажам неколку збора за самата болница 8 Септември (бивша Воена Болница). Историјтот на оваа болница е долг, видете на посочениот линк. Самата сегашна зграда е изградена во 1971 година. Вкупната површина што ја зафаќа овој комплекс изнесува околу 90.000 м2, од кои под покрив се околу 60.000 м2 а во слободната површина доминира болничкиот парк и паркиралиштата. Стационарниот дел од Воената болница располага со 400 болнички легла. Вработени се околу 700 воени и цивилни лица – здравствени работници, лекари од сите специјалности, специјалисти и субспецијалисти, доктори на науки, магистри, медицински техничари, административен, технички и друг помошен персонал.  ... Оној дел кој јас го посетив е реновиран со совршени подови се до нови болнички кревети. Она што посебно плени е одност на пресоналот кон пациентите - строго професионален со високи стандарди на квалитет и грижа за болниот. Трипати дневно има визити на дежурните лекари се до комплетната визита на целото оделение со сите лекари и медицински сестри. Особено плени односот на медицинските сестри и особјето задолжено за хигиена. Се е кристално чисто - веројатно е задржан редот и поредокот на некогашната дисциплина од воената болница. Тоалетите и бањата се подеднакво чисти. Го нема дури ни препознатливиот мирис на болница. Дневно се менуваат постелнините кои ке бидат запрљани поради оперативните зафати кои се прават и многуте течности кои се последица на постопоеративнаите опоравки. Значи самата клиника е на ниво на приватните болници - единствена разлика е што нема телевизија и интернет во просториите. Визитата е во строго определено време од еден час дневно. Дури и храната е соодветна на болничката храна која оди посебно по име и презиме за секој пациент соодветно на неговата болест и периодот во кој се наоѓа пред или после операција ...

Она што е последица на неорганизираност во јавното здравство се прегледите кои се прават како припрема пред приемот во болницата. Гужва која е хаотична. Има ред, но редот не е доволно добро организиран. Има ред само за оние кои имаат закажано преглед преку мој термин. Има листа со точно определена сатница. Она што е интересно таквите пациенти имаат прединство и пред они кои имаат ургентни упати. Лекарите ваквите пациенти со ургентни упати и контролни прегледи ги примаат кога ке им се појави простор ако некој не дојде на мој термин или по исцрпување на листата на мој термин. Па така имаме ситуација каде болни со јаки болки чекаат предолго во ходниците каде нема доволно столчиња за пациентите. Хаосот е уште поголем по разните лабаратории каде ве упатува лекарот за да ја направи точната дијагноза. Мокраќа, крв, разни ренгени ... Секаде се чека на три места еднаш се пријавуваш, на друг шалтер плаќаш партиципација и на трето место чекаш ред без ред пред соодветната ординација. Можело тоа многу подобро да се организира со систем на бројче за чекање према системот прв дојден прв услужен. Така нема болни да чекаат во ред пред шалтерите. Сите партиципацији би требало да се платат одеднаш и на еден шалтер. Вака испаѓа дека во болницата се вработени непотребно голем број на администрација која не е болничко особје ...

Во продолжение ке ви дадам линкови на неколку написи кои се важни за болеста камен во бубрег, како тие/камењата настануваат и како се лечат со помош на народната традиционалната медицина но и со современите процедури на лекарската пракса. Некои од нив се написи а некои се видео презентации. Кликајте на линковите за да ги прочитате оригиналните написи или кликајте на видеата за да ги изгледате. Интернетот е чудо - секој ден е се поголема александриска библиотека. Има стручни написи и видеа но и доволно упростени сознанија за да ги разбере секој .... Овој мој напис им го посветувам на сите болни од камен во бубрег кои читајки ги овие редови ке најдат мали и големи појаснувања за својата болест ... Одавна немав напишано вистински блогпост со бројни линкови за темата која сум ја одбрал ...

  1. ЗДРАВЈЕ - И ОД МНОГУ СЕДЕЊЕ СЕ ФОРМИРААТ КАМЕЊА ВО БУБРЕЗИ. Секое десетто лице барем еднаш во својот живот доживува ренална колика или напад на бубрег. Создавањето камења во уринарниот систем или уролитијазата претставува светски здравствен проблем. Колку од луѓето ќе заболат од оваа уринарна болест зависи од генетски, нутриционистички и географски фактори. Се проценува дека од ова заболување страдаат околу 0,5 отсто од луѓето во светот, или 10-15 отсто од светското население барем еднаш во својот живот ќе заболи од уролитијаза. Ова практично значи дека секое десетто лице барем еднаш во својот живот ќе доживее ренална колика или напад на бубрег. Овој процент за источните земји се искачува дури и до 25 отсто. (повеќе на линкот тука)
  2. 8 причини да пиете 8 чаши вода на ден ... 
  3. ПРИРОДЕН СОК ПРОТИВ КАМЕН ВО БУБРЕГ...
  4. Руска медицина: Брзо отстранување на камен и песок во бубрег...
  5. Koje zdrave namirnice su prirodni lekovi? ...
  6. dr Nikola Marković - Lečenje bolesti bubrega na prirodan način (epizoda 8) ...
  7. NAŠI BUBREZI - NAJBOLJI FILTERI ...
  8. Bolesti bubrega: "Kako na vreme otkritinastanak bolesti bubrega?" ... 
  9. Безболно кршење камен во бубрег во КлиничкаБитола - потполно ист со апаратот во 8 Септември Скопје/Воена болница ...
  10. Extracorporeal lithotripter / trolley-mounted / with C-arm / with lithotripsy table PiezoLith 3000 ...
  11. eswl ...
  12. Ласерско кршење на камења во бубрезите иуринарниот тракт во Хил клиника ... 


  13. Možemo li sprečiti stvaranje kamena u bubregu? ... 

No comments:

Blog Archive

Site Meter