Геро е секојпат еден чекор пред другите

Геро е секојпат еден чекор пред другите.

На стредбата во петокот во Метаморфозис – каде се сретна група на блогери од Македонскиот нет простор, имав чест да седам до Геро и да разменам неколку муабета. (“Пинки го виде Тито“-Геро сега секаде ке се фалам дека те познавам JJJ)

Веројатно нема да откријам некоја тајна (ако е така Геро извини не е намерноJJ) но пријатно ме изненади-зачуди што од Медиумските куќи само Геро беше на средбата.

Веројатно само Геро е еден чекор пред другите редакции и уредници и ја сваќа силината на блогерската комуна во светот, па зошто да не и кај нас во последно време. Сваќе дека е добро на време да се приклучи (ако веќе оценил дека не може да ги победиJJ) на блогерската заедница во Македонија и да истакне некои поинтересни за него Блогери (Букаро и Офчарот).

На средбата меѓу другите прашања, падна и прашање како треба правилно да се свати блогерската заедница од МК, во однос на печатените медиуми. Некои Медиумски куќи сеуште не ја сватиле силината и суштината на блогирањето, па блогерите ги сваќаат или несериозно или ги сметаат за конкуренција.

Околу конкуренцијата – најпрвин имав мислење дека Блогирањето е навистина конкуренција на печатените медиуми (што дефакто и е ....), но потоа ја сфатив идејата на Геро зошто ги презема најинтересните (по него) Блогери и им дава простор во својот весник. Геро сака да види како комуницираат младите генерации (блогирањето кај нас е занимација на младите...) а и преку нив да привлече што повеќе читатели во својот весник, а бидејки се работи за млади ако привлече процент од нив, тоа значи дека љубовта ке биде долга.

Сега за една моје предпоставка-предвидување.

Предвидувам дека во не така далечна иднина продавањето на весници, такви какви што ги имаме сега драстично ке се намали (податок од Геро – тиражот и сега на сите весници во МК е драстично опаднат). Луѓето се повеќе ке ги читаат интернет изданијата на истите весници. Е сега дали е ова добро или лошо. Добро или лошо, тоа и така и веќе се случува. 90 % од луѓето во МК кои имаат постојан Интернет дома, и денеска веќе ги читаат сите весници на Интернет со доцнење од неколку часа.

Помислив потоа од што би живеел весникот ако не се продава. Не ја знам структурата на денешните приходи на веснците во МК, (Геро помогни ако го прочиташ написов) но предпоставувам дека главните приходи на весниците се огласите и рекламите. Печатениот примерок на весник што го купуваме на улица мислам дека не ја покрива стварната производна цена 10-15 денари по весник-е премалку да ги покрие трошоците.Значи печатениот весник поради малиот тираж и скапите репроматеријали произведува загуба....

За га може сето ова да заживее (Интернет издаваштвото) уште повеќе фали толку во последно време споменуваната Интернет пенетрација во МК – која е на катастрофално ниско ниво. Зошто. Па затоа ако да речеме имаме пенетрација од 50 % (што и не е некој сон-не е голема сума на пари во прашање-во прашање е само глупоста на владата...), ке имаме покриеност на скоро 70 проценти од денешните конзументи на весниците.

Ако издавачот успее да го убеди оној кој ја плаќа рекаламата дека има толку и толку читаност на весникот - тираж по електронски пат, тогаш со славните и магични реклами и огласи весникот ке има задоволителен извор на приход, а и ке ја подигнеме истовремено и еколошката свест – не се троши хартија – се сеќавате хартијата се прави од дрво.

ЗНАЧИ ВО БЛИСКА ИДНИНА – ЧАО ЗА ПЕЧАТЕНИТЕ ВЕСНИЦИ, ДОБРОДОЈДЕ ЗА ЕЛЕКТРОНСКИТЕ ВЕСНИЦИ...