Пропаднати држави за 2006

Македонија на половина пат до распаѓање

-Нееднаквиот економски развој меѓу населението, -криминализацијата на државата и
-етничките проблеми се индикаторите што придонесоа Македонија да се најде на незавидното 78 место меѓу 146 рангирани земји според „Индексот на пропаднати држави“ за 2006 година на магазинот „Фореин полиси“ и организацијата „Фанд фор пис“.

Истражувањето е базирано врз повеќе параметри што ја дефинираат категоријата „земја во распаѓање“
-како земја во која владата нема ефективна контрола врз територијата,
-не поседува монопол врз механизмот на легитимна употреба на сила и
-не може да обезбеди безбедност и основни јавни услуги за своите граѓани.

Покрај овие карактеристики, истражувачите овој поим го дефинираат и со
-степенот на корупција,
-криминализација,
-економскиот развој и со сите други категории што можат да предизвикаат
-внатрешни конфликти и дезинтеграција.